Roma 1:13 - Taaz Weru Witu u Nunuwu'en Tombulu

¹³ Katuari-katuari, ung kapaazku éng kata'uan nioua i ni aku én urémo megena-genang i mangé wia ni kamu, taan makaz in tarékan én zéi'kampé' méikaangémé pahpaan sekezé ém wéwéhan a mahraung. Kapaazku am pinaayangku im wia ni kamu ém wéwéhan torona, tanu am pinaayangku am wéwéhan torona im wia sé tou zéi'kan Yahudi witi tampa walina.

Roma 1:13 Iomraidhean Croise

Yohanes 12:24

Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez.

Yohanes 15:16

Zéi'kan ni kamu sé niméléng ni Aku, taan ni Aku si niméléng ni kamu. Ni Aku nimatu ni kamu wo ni kamu mangé wo mangun lakez am paayangen lé'os wo am wua'na am paayangen niou é memia-mia makaz ing kauré-uré. Karia in téntu, apa uman um pahaléien niou wia si Ama' mengiité u ngaran-Ku, niitu én iwéhé-Na wia ni kamu.

Yohanes 4:36

In tarékan si mengungupu' éng karegaso im pahwaéran. Am wua'na pahréwokenna é sé tou ma'éman sé makailek ung katou-touan makaz ing kauré-uré. Niitumo si mahkeroz wo si mahupu' é mahpaa-paaz mahwali-wali.

Kisah Rasul-rasul 1:15

I sana endo, sé katuari esa pa'émanen é nimaréwok. Ung kalakez néra ém woo sana atus wo zuana pulu' tou. A si Petrus rumendaila witu un unez néra ang kumua,

Kisah Rasul-rasul 14:27

I méikaayola witi Antiokhia, tawahen néramé sé jamaat i maréwoké. An isirita nérala péléng am pinaayang ni Opo Empung mengiité ni séra. Ni séra kasii simiritala i si Opo Empung é nimukamoma u lalan wia sé tou zéi'kan Yahudi i ma'éman wia si Yesus.

Kisah Rasul-rasul 15:12

Kaitalingamé un téntu, péléng sé tou witu é nimapenes. A séra tumalinga si Paulus wo si Barnabas i mahsirita tumoro péléng a makakompo'en wo an zéi'kan kakuaan am winangun ni Opo Empung wia sé tou zéi'kan Yahudi mengiité ni séra zua.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 21:19

Si Paulus sumigi'la wia ni séra. An ipakasiritanala péléng am winangun ni Opo Empung mengiité um pinaayangna wia sé tou zéi'kan Yahudi.

Kisah Rasul-rasul 28:14

Im witu, ni kai nimahilekan karia né katuari esa pa'émanen wo pahpaan im pinahaléi nérala, ni kai é nimento' karia néra pituna endo. Tumondong niitu a ni kai mangé witi Roma.

Roma 1:12

Ung kalakoana, sa ni aku mahwali-wali karia niou, ni kita én toro maheenté'an un até karia um pa'émanenta.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 7:1

Katuari-katuari! Ni aku é numuwu'ma wia ni kamu sé mata'umo an tinotoz. Zéi'kan kata'uan niou wé an tinotoz itii éng kimawasa si tou i ni sia menou-noupé'?

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

1 Korintus 10:1

Katuari-katuari, ipapagenangkuma sumaup a nimamuali im puuna wia sé nimaopota, i ni séra méiondolé im witi Mesir. In toro niitu ni séra péléng éng kinelungan ni Opo Empung karia a ninahak wo ni séra péléng méikalewet un tasik Rangdang.

1 Korintus 12:1

Katuari-katuari, in tarékan tumoro an tatambér ni Roh Lenas wia ni kamu. Kapaazku ni kamu mata'ula un ulit tumoro niitu.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

1 Korintus 14:26

Katuari-katuari, kura in tarékan? Sa kamu nimaréwok i mahragés, um wangun si esa wo si esa é méndola katoroan tanu ang kenu: wéwéhan sé mahkantar ang kakantaren mahlooz si Opo Empung, wéwéhan sé mahtuzu', wéwéhan sé mahkua ung kalakoan tumoro u méiwunipé' ni Opo Empung, wéwéhan sé mahnuwu' karia u nunuwu'en un akaz uman si Roh Lenas si mata'u wo sé walina é mahkua ung kalakoan u nunuwu'en itii. Taan péléng niana é léwo'zéi' mahenté' um pa'émanen né tou.

1 Korintus 9:2

Zozo' sé tou walina mahkua ni aku én zéi'kan aatu ni Yesus, taan ni kamu é mahkua i ni aku é aatu ni Yesus. Ni kamu i ma'émano wia si Opo Empung un tumuzu'mé um pinaayangku in aatu ni Yesus.

2 Korintus 1:8

Katuari-katuari, kapaaz nai ing kata'uan nioula tumoro an zézéha nai im witi Asia. An zézéha pinendan naimé itii én totoz wutez, makaz ni kai mahgenangla in tawimo maté.

2 Korintus 2:14

Taan ni aku éng kumuama u makasé wia si Opo Empung, pahpaan ni Sia si nimaéndo tonaas si sekezé én timatér ni kai karia ung kawasa ni Kristus, makaz ni kai toro muntung. Ni kai é méiatu ni Opo Empung wo séra mata'u si Kristus, tanu u mahwou tariis ing kawouanna né tou lakez wisa uman un angéan nai.

Galatia 3:15

Katuari-katuari, ni aku é méhéma un toro maéndo kékéréan u mahmuali i mendo-endo. Sa wéwéhan um pinataazan wo um pinataazan itii én tinékénano ni nimangun niitu zozo' ni sia in tou uman, zéi'kan siapa zozo' in esa si tou toro zuméi' kaapa mawes witu um pinataazan itii.

Galatia 6:18

Katuari-katuari! Mengalé-ngaléi uman ung kamang tatambér ni Yesus Kristus Mahpiarata é menaté-natér si roh niou. Amin.

Filipi 1:22

Taan sa aku léwo'zéi' i menou-nou wia ung kaayahan kenu, ni aku én toro maayang am paayangen wéwéhan torona. Niitumo, zéi'kan kata'uangku wisa um péléngengku.

Filipi 4:17

Zéi'kan a méiwéhémé itii am penérongku, taan ung kapaazku si Mahpiara éng kalakezna i mahwéhémé péléng am péléng wia ni kamu pahpaan simawangomé ni aku.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

1 Tesalonika 2:18

Ni kai én totozo paaz i mangé wia ni kamu. Ni aku in esa Paulus ém woo makapiramo i mahaangémé wia ni kamu, taan pahraungen umanla ni tonaas né sétang akaz ni kai zéi'kampé' méikaangémé wia ni kamu.

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

2 Tesalonika 2:7

Si tou totoz léwo' itii é mahpaayango karia i mahwuni-wuni, taan wéwéhampé' u nimokal ni sia. Taan sa u nimokal ni sia niéndomoma,

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.