Roma 1:11 - Taaz Weru Witu u Nunuwu'en Tombulu

¹¹ Pahpaan ni aku én totoz lumelo i mahilekan karia niou wo kamu toro wéténgangku un tatambér ni Roh ni Opo Empung um wiamo ni aku, wo um pa'émanen niou éng kaenté'na.

Roma 1:11 Iomraidhean Croise

Kisah Rasul-rasul 16:5

Karia in téntu, um pa'émanen né jamaat éng kaenté'namo. Wo sekez in endo, sé tou ma'éman éng kalakeznamo.

Kisah Rasul-rasul 19:21

Kumawusa u nimamuali itii, si Roh nimangun si Paulus timotozla i mangé witi Yerusalem kimiita u Makedonia wo u Akhaya. Kuana, “Sa nimangémomé witi Yerusalem, ni aku kangkasii é léwo'zei' i mangé witi Roma.”

Kisah Rasul-rasul 19:6

I si Paulus zimeta'la u lengenna witu un atas néra, an tumumpamé si Roh Lenas wia ni séra. A séra rengan i mahnuwu' karia a nunuwu'en a méiwéhémé ni Roh Lenas wo kasii mahkua a méikuamé ni Opo Empung.

Roma 1:12

Ung kalakoana, sa ni aku mahwali-wali karia niou, ni kita én toro maheenté'an un até karia um pa'émanenta.

Roma 15:23

Taan in tarékan, am paayangengku wia am wanua kenu é mémoisampetkula. Pahpaan ni aku ém pinahta'unano im paaz mangé wia ni kamu,

Roma 15:29

Wo kata'uangku sa ni aku méyé wia ni kamu, ni aku é mahalima malake-lakez ung kamang ni Kristus wia ni kamu.

Roma 15:32

Karia in téntu, witu um paaz ni Opo Empung, ni aku é mamahilekan karia niou karia i mahpaa-paaz. Sa kita nimahilekanola, ni aku én toro kumana' karia niou wo un atéku én toro enté'en nioué.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

2 Korintus 1:15

Pahpaan totoz kata'uangku, ni kai é nimaéndo pahloo-looz niou, niitumo ni aku gimenang i mangé wia ni kamu wo ni kamu makailek makazuamé ung kamang méitambér ni Opo Empung.

2 Korintus 1:21

Si Opo Empung si nimenté' ni kai, wo ni kamu uli-ulit mahkiit si Yesus Kristus. Ni Sia kasii si niméléng ni kai i maayang wia ni Sia.

2 Korintus 11:4

Pahpaan ni kamu é mahéné uman i sumungkul séi uman sé mahwoka' tumoro si Yesus si zéi'kan masuat wo si méipahwoka' nai, kaapa si roh si zéi'kan masuat wo si Roh Lenas si sinungkul niou. Ni kamu kasii é mahéné uman i sumungkul u Nuwu' Lé'os tumoro si Yesus un zéi'kan masuat wo u méipahwoka' nai.

2 Korintus 9:14

Ni séra é rumaraaté ni kamu, makaz ni kamu én ipahpengaléi néra, pahpaan ung kamang méitambér ni Opo Empung é lakezo wia ni kamu.

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Filipi 2:26

Pahpaan ni sia én totoz lumelo ni kamu péléng wo un aténa é nimasusa pahpaan ing kinata'uan niouoma i ni sia é saki, niitumo pahgenangengkula ni sia é léwo'zéi' in iwurikuma wia ni kamu.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

1 Tesalonika 3:13

Mengalé-ngaléi uman, si Opo Empung Ama'ta é menté' un até niou, wo ni kamu zéi'kan siapa pahséro'an wo lenas im witu u sinaru-Na, i si Yesus si Mahpiarata mémahwali-wali karia péléng sé tou linenas-Na.

1 Tesalonika 3:2

An iatu naima si Timotius i mangé wia ni kamu. Ni sia éng katuarita esa pa'émanen wo kapaayang nai i mahpaayang wia si Opo Empung i mahwoka' u Nuwu' Lé'os tumoro si Kristus. Ni sia méiatu naima i mamenté' un até niou wo sumésa wia ni kamu, wo kaenté'na um pa'émanen niou.

2 Tesalonika 2:17

menté' un até niou wo mangun ni kamu makawawa im wana péléng am paayangen wo wana a nunuwu'en wangun.

2 Tesalonika 3:3

Taan si Mahpiara én zéi'kan maliuz wana a méitaaz-Na. Ni Sia é menté' an até niou wo kumelung ni kamu im wia si léwo'.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

1 Petrus 5:12

Karia im pinahsawangala ni Silas, ni aku nimantika um pinantik potot uman kenu. Totoz kata'uangku i si Silas kenu éng katuariku esa pa'émanen wo ni sia én toro pahtali-talingan. Um pinantik kenu ém pinantikku wo iwéhékuma i sumésama wo totoz mapagenanga wia ni kamu sa niia én uli-ulit kamang méitambér um wia si Opo Empung a méyé. Totoz in enté'ela um pa'émanen niou im wana ang kamang méitambér ni Opo Empung itii.

2 Petrus 1:12

Pahpaano niitu, niana péléng sekezé én ipapagenangkuma wia ni kamu, zozo' niana péléng éng kata'uan niouo wo an tutuzu' ulit itii én totoz im pa'émanen niouo.