Roma 1:1 - Taaz Weru Witu u Nunuwu'en Tombulu

¹ Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Roma 1:1 Iomraidhean Croise

Markus 1:14

I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung,

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 15:20

Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Kisah Rasul-rasul 13:9

Taan si Saulus si pahkuan kangkasii im Paulus si kinawasa ni Roh Lenas é nimerena wia ni sia,

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Kisah Rasul-rasul 21:40

I ni sia niénéanola i numuwu', a sia rumendaila witu un ahzan a mayata u lengenna wia sé tou lakez itii. I sé tou lakez nimapenesoma, a sia rengan i mahnuwu' wia ni séra karia u nunuwu'en Ibrani, kuana,

Kisah Rasul-rasul 22:21

Taan kuan ni Tuang wia ni aku, ‘Mangémo, pahpaan ni ko én iatu-Ku i mangé witi tampa zou'ma im wia'i wia sé tou zéi'kan Yahudi.’ ”

Kisah Rasul-rasul 22:7

A ni aku ikawesahma witu un tana' an talingangkumé u nuwu' kimuamé in téntii, ‘Saulus, Saulus, kaa ni Aku pahzézéhanu?’

Kisah Rasul-rasul 26:1

Ang kuan ni kolano Agripa wia si Paulus, “In tarékan, ni ko én toromo ing kumelung un toumu.” A si Paulus mayata u lengenna ang kumua ang kekelungna,

Kisah Rasul-rasul 26:14

Ni kai péléng é méikawesahma witu un tana'. Ang katalingaangkumé u nuwu' u mahkuamé wia ni aku karia u nunuwu'en Ibrani, in téntii, ‘Saulus, Saulus kaa Aku pahzézéhannu? Ni ko é masusa sa mahsaru ni Sia si kimawasa wia ni ko.’

Kisah Rasul-rasul 27:23

Pahpaan ing kawengi, si Opo Empung si pahongko-ongkotangku in tou anu-Na é nimatu si malaekat-Na mérimendai witu u rétéku.

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Roma 1:16

Ni aku én zéi'kan maizang i mahwoka' u Nuwu' Lé'os tumoro si Yesus, pahpaan u Nuwu' Lé'os itii éng kawasa ni Opo Empung i milot péléng sé tou sé ma'éman im witu un ukuman wana a singkéla', kataré-taré é sé tou Yahudi wo kasii sé tou zéi'kan Yahudi.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

Roma 1:9

Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 11:13

In tarékan, ni aku éng kumuama wia sé tou zéi'kan Yahudi i ni aku én aatu ni Kristus wia sé tou zéi'kan Yahudi. Ni aku mahtututu' um paayangengku toro pahloo-loozengku.

Roma 15:16

Ni Siamo si nimatumé ni aku i maéndo memamaayang ni Kristus Yesus i mangé wia sé tou zéi'kan Yahudi i mahwoka' u Nuwu' Lé'os ni Opo Empung. Um paayangengku én tanu sé walian i mengangali a raragés makaz sé tou zéi'kan Yahudi én toro sungkulen ni Opo Empung tanu a raragés a linenas ni Roh Lenas wia si Opo Empung.

Roma 15:29

Wo kata'uangku sa ni aku méyé wia ni kamu, ni aku é mahalima malake-lakez ung kamang ni Kristus wia ni kamu.

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 1:1

Um pinantik kenu ém wia ni aku Paulus wo si Sostenes si katuarita esa pa'émanen a mangé. Witu um paaz ni Opo Empung ni aku én tinawah nimaéndo aatu ni Kristus Yesus.

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.

2 Korintus 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i nimaéndo aatu ni Kristus Yesus. Um pinantik kenu én iwéhé wia sé jamaat ni Opo Empung witi Korintus wo péléng sé tou linenas ni Opo Empung witi Akhaya.

2 Korintus 11:5

Taan sa pakagena-genangengkula, sé pahkuan niou aatu totoz wangko' taan ndéén towo itii, ni séra én zéi'kan lumousé ni aku.

2 Korintus 11:7

Simala' ni aku wé, sa iroroskula un touku i mahlooz ni kamu, pahpaan zéi'kan mekiwaér i mahwoka' u Nuwu' Lé'os ni Opo Empung wia ni kamu?

2 Korintus 12:11

Ni aku é nimalemouola pahpaan ni kamu sé nimangun ni aku nimaténtu. Un ulitna, ni aku si totoz loozen niou. Pahpaan zozo' wéwéhan sé mahkua ni aku in zéi'kan siapa torona, taan im wana am péléng, sé aatu towo itii én zéi'kan lumousé ni aku.

2 Korintus 2:12

Ikaayola ni aku witi Troas i mahwoka' u Nuwu' Lé'os tumoro si Kristus, ni aku ém winukaané ni Opo Empung lalan i maayang wana.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Galatia 1:1

Um pinantik kenu ém wia ni aku Paulus a mangé. Ni aku én aatu ni Yesus Kristus, zéi'kan pahpaan méiatu né tou kaapa pahpaan tinotoz ni tou, taan pahpaan si Yesus Kristus wo si Opo Empung, si Ama', si timoumomé sumaup si Yesus im wia sé nimaté.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

Kolose 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i maéndo aatu ni Kristus Yesus.

Kolose 1:25

Ni aku é méiatumo ni Opo Empung i mahpaayang wia sé jamaat, mengiit um paayangen méiwéhé-Na wia ni aku ing kumua péléng a Nuwu'-Na wia ni kamu.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

1 Tesalonika 2:8

Ni kai é rumaraaté ni kamu, niitumo ni kai én zéi'kan uman paaz i mahwoka' u Nuwu' Lé'os ni Opo Empung wia ni kamu, taan ung katou-touan nai kangkasii én iwéhé nai wia ni kamu pahpaan ni kamu én totoz ikararaaté nai.

1 Tesalonika 2:9

Katuari-katuari, kagenangan nioupé'la kura kai in totoz mahtututu' wo ma'ulit i mahpaayang. Endo wo wengi ni kai mahpaayang i mahwuwutul am pemandungen nai. Karia in téntu, ni kai én zéi'kan maéndo pengalin niou i mahtuzu' u Nuwu' Lé'os ni Opo Empung wia ni kamu.

1 Timutius 1:1

Um pinantik kenu ém wia ni aku Paulus a mangé, si aatu ni Kristus Yesus mengiit u méiperénta ni Opo Empung, si nimilot ni kita im witu un ukuman wana a singkéla', wo si Kristus Yesus si nimaéndo pahéré'anta.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:11

U Nuwu' Lé'os itiimo u nimangun ni aku tinotoz ni Opo Empung maéndo mahwoka', maéndo aatu wo méster.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Ibrani 5:4

Zéi'kan siapa zozo' in esa si tou niméléng un touna in esa i maéndo Walian Wangko', taan si Opo Empung uman si toro méléng si tou, tanu u nimamuali wia si Harun im puuna i ni sia nimaéndo Walian Wangko'.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 4:17

Pahpaan in tarékan én orasnamo si Opo Empung in tumotoz ulit kaapa zéi'kan am pahwangunen né tou, wo sé kataré-taré totozen-Na é sé tou-Na in esa. Sa Sia in tumotoz éng kumataréma wia ni kita in tou-Na, kura rékén u mamuali wia sé tou soo ma'éman u Nuwu' Lé'os ni Opo Empung?

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 22:6

Ang kuan ni malaekat itii wia ni aku, “Péléng a méikuakuma kenu én ulit wo toro pa'émanen. Si Opo Empung, si niméhé roh wia sé nabi é nimatumoma si malaekat-Na wia sé ata-Na i mapata'u an zéi'mo uré in totoz mamuali.”

Wahyu 22:9

Taan kuana wia ni aku, “Tia'mo mahasar téntu! Ni aku én ata, kasuatmu wo sé katuarimu esa pa'émanen, sé nabi wo péléng sé tou mahkiit péléng a méipantik witu ung kitap kenu. Pahongkotala wo pahsigi'ela si Opo Empung!”