Matius 9:6 - Taaz Weru Witu u Nunuwu'en Tombulu

⁶ Taan wo kata'uan nioula sa im wia ung kaayahan kenu si Oki' ni Tou ém wéwéhan kawasa i méhé un ampungan wana a singkéla' né tou.” Ang kuan ni Yesus wia si tou lailai itii, “Rumendaiomé, éndonoma um winuléngané ni ko wo mawurimoma witi walému!”

Matius 9:6 Iomraidhean Croise

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Matius 9:5

Wisa u meripu' umané, kumuama, ‘A singkéla'mu é niampungano,’ kaapa ing kumuama, ‘Tumoozomé wo lumampangoma?’

Matius 9:7

A si tou lailai itii rumendaié, a lumampang mawurima witi waléna.

Markus 2:10

Taan wo kata'uan nioula sa si Oki' ni Tou ém wéwéhan ung kawasa i méhé un ampungan wana a singkéla' né tou wia ung kaayahan kenu.” Ang kuan-Na wia si tou lailai itii,

Markus 2:7

“Kaa si tou kenu mahkua in téntu? Ni Sia é mahséro'mo wia si Opo Empung. Séi si toro méhé un ampung wana a singkéla' né tou sa zéi'kan si Opo Empung?”

Lukas 5:21

Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Yohanes 10:28

Ni Aku é mahwéhé ung katou-touan makaz ing kauré-uré wia ni séra wo ni séra uli-ulit zéi'kan maléwo' makaz ing kauré-uré wo zéi'kan siapa zozo' in esa si kumahat ni séra im witu u lengen-Ku.

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 5:27

Si Ama' é niméhé ung kawasa wia si Oki'-Na in tumotoz ulit kaapa zéi'kan am pahwangunen né tou pahpaan ni Sia én Oki' ni Tou.

Yohanes 5:8

Kuan ni Yesus wia ni sia, “Rumendaiomé, wénétenoma un tepéhmu wo lumampangoma.”

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

Kisah Rasul-rasul 9:34

Ang kuan ni Petrus wia ni sia, “Eneas, ni ko é liné'osoma ni Yesus Kristus. Niitumo tumoozomé wo imekenoma un tetekelannu!” In toro niitukan, si Eneas tumoozé.

2 Korintus 2:10

Pahpaan, sa ang kasumalaan ni tou én niampungan nioula, ni aku kangkasii é méhé un ampungan wana ang kasumalaan ni tou itii, sa uli-ulit im wéwéhan un totoz ampungangku wia si tou itii. Pahpaan ung kawangunan niou witu u sinaru ni Kristus, ni aku méhé un ampungan wana ang kasumalaanna.

2 Korintus 5:20

Niitumo, ni kaimo sé méiatu ni Kristus i mahtuzu' un tumoro ni Sia. Mengiité ni kai si Opo Empung mahsésa wia ni kamu. Karia u ngaran ni Kristus, ni kai mahaléi wia ni kamu: Iwéhéla un tou niou i mawurian sumaup karia ni Opo Empung.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.