Matius 9:22 - Taaz Weru Witu u Nunuwu'en Tombulu

²² Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Matius 9:22 Iomraidhean Croise

Matius 15:28

Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Matius 17:18

A si sétang si wia si koki itii peréntana ni Yesus i mondola. Si sétang itii é rengan i nimondola, in toro niitukan a malé'osa si koki' itii.

Matius 8:13

A si Yesus kumuama wia si tonaas né suraro itii, “Mawurimoma wo mamualila wia ni ko tanu um pa'émanennu.” In toro niitukan, si ata ni tonaas né suraro itii é rengan i nimalé'osa.

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Matius 9:29

An irasaka ni Yesus u lengen-Na wana am weren néra zua ang kuan-Na, “Mamualima tanu um pa'émanen niou.”

Markus 10:52

Ang kuan ni Yesus wia ni sia, “Mangémo, um pa'émanennu u limé'os ni ko!” In toro niitukan, ni sia én toromo mahilek, a sia kumiit si Yesus witi pahlampangan-Na.

Markus 5:34

Ang kuan-Na wia si wéwéné itii, “É oki'-Ku, um pa'émanennu u limé'os ni ko. Mangémo karia ung kaluasan witu un até, ni ko én uli-ulit lé'oso!”

Lukas 17:19

A si Yesus kumuala wia si tou itii, “Rumendaiomé wo mangémo, um pa'émanennu u limé'os ni ko.”

Lukas 18:42

A si Yesus kumuala wia ni sia, “In tarékan ni ko én toromo milek, um pa'émanennu u limé'os ni ko!”

Lukas 7:50

Taan kuan ni Yesus wia si wéwéné itii, “Um pa'émanennu u nimilot ni ko im witu u siningkéla'mu, mangémo karia ung kaluasan witu un até!”

Lukas 8:48

Ang kuan ni Yesus wia si wéwéné itii, “É oki'-Ku, um pa'émanennu u limé'os ni ko, mangémo karia ung kaluasan witu un até.”

Yohanes 4:53

A si ama' ni oki' saki itii ikagenanga in toro niitu kangkasii si Yesus kimua wia ni sia, “Si oki'mu é lé'oso.” A sia karia né mahento' witu um waléna ma'éman wia si Yesus.

Kisah Rasul-rasul 14:9

Ni sia é rimumez mahtalinga si Paulus i mahnuwu'. Si Paulus nimileka si tou itii ang kata'uannala i si tou itii é ma'éman wia si Yesus, niitumo ni sia én toro malé'os.

Kisah Rasul-rasul 16:18

Woo pirana endomo si wéwéné itii i mengasa-ngasar téntu. I si Paulus seso'mo a sia luméngéhma muri ang kumua wia si roh si simelaz wia si wéwéné itii, “Karia u ngaran ni Yesus Kristus, mondolé ko im wia si wéwéné itii.” In toro niitukan si roh itii éng kimii-kiit i nimondolé.

Ibrani 4:2

Tanu ni kita ém pinapata'uan u nuwu' makapaazen, téntu kangkasii sé nimaopota ém pinapata'uano u nuwu' makapaazen, taan u nuwu' tinalinga néramo itii én zéi'kan siapa torona im wia ni séra, pahpaan ni séra én zéi'kan ma'éman u nuwu' itii.