Matius 9:2 - Taaz Weru Witu u Nunuwu'en Tombulu

² Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Matius 9:2 Iomraidhean Croise

Matius 14:27

Taan si Yesus é rengan ing kimuama wia ni séra, “Menesola! Kenu é ni Aku, tia'mo maindé'!”

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 6:12

wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Matius 8:16

I mawengimo lakez sé tou sinelazan né sétang méipahwalimé wia si Yesus. Ni Sia makasa uman nimuwu'ma i nimohoma sé sétang itii wo i limé'osa péléng sé tou saki.

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Matius 9:5

Wisa u meripu' umané, kumuama, ‘A singkéla'mu é niampungano,’ kaapa ing kumuama, ‘Tumoozomé wo lumampangoma?’

Matius 9:6

Taan wo kata'uan nioula sa im wia ung kaayahan kenu si Oki' ni Tou ém wéwéhan kawasa i méhé un ampungan wana a singkéla' né tou.” Ang kuan ni Yesus wia si tou lailai itii, “Rumendaiomé, éndonoma um winuléngané ni ko wo mawurimoma witi walému!”

Markus 1:32

I mawengimo, i si endo nimuntepola, sé tou mahwalima wia si Yesus péléng sé tou saki wo sé sinelazan né sétang.

Markus 10:49

A si Yesus mento'la ang kumuama, “Tawahené sia!” An tawahen néramé si tou letok itii ang kumuama wia ni sia, “Enté'ela un atému wo rumendaiomé, ni ko ém penawahen-Na.”

Markus 5:34

Ang kuan-Na wia si wéwéné itii, “É oki'-Ku, um pa'émanennu u limé'os ni ko. Mangémo karia ung kaluasan witu un até, ni ko én uli-ulit lé'oso!”

Markus 6:50

pahpaan péléng ni séra én totozo maindé' i nimileka ni Sia. Taan ni Sia é rengan ing kimuama wia ni séra, “Menesola! Kenu é ni Aku, tia'mo maindé'!”

Yohanes 16:33

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Yohanes 2:25

Niitumo, sé tou én zéi'kan totoz kumua wia ni Sia tumoro péléng sé tou, pahpaan kata'uan-Namo am witu un até né tou.

Yohanes 21:5

Kuan ni Yesus wia ni séra, “É kamu oki'-Ku, wéwéhan seza' kamu?” Wingkoten nérala, “Zéi'kan siapa.”

Kisah Rasul-rasul 14:9

Ni sia é rimumez mahtalinga si Paulus i mahnuwu'. Si Paulus nimileka si tou itii ang kata'uannala i si tou itii é ma'éman wia si Yesus, niitumo ni sia én toro malé'os.

Kisah Rasul-rasul 19:12

Lumouspé'mé niitu, u léso kaapa u roko' am pinahpakémola ni Paulus ém pinahalima né tou an izeta'la wia sé tou saki, nimangun sé tou saki itii nimalé'os wo nimangun sé roh léwo' sé simelaz wia sé tou é nimondolé.

Kisah Rasul-rasul 23:11

Masandomé im wengi, si Yesus Mahpiara mérimendai witu u rété ni Paulus ang kumuama wia ni sia, “Enté-enté'en un atému. Pahpaan kuramo ni ko i mahkua a niilek wo tinalingamu tumoro ni Aku im wia sé tou witi Yerusalem, téntumo kangkasii ni ko léwo'zéi' i makumua niitu wia sé tou witi Roma.”

Roma 5:11

Zéi'kan uman niitu! U raraatéan ni Opo Empung mangun ni kita mahpaa-paaz pahpaan si Yesus Kristus Mahpiarata si nimangun ni kita i nimawurian karia ni Opo Empung.

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”