Matius 9:18 - Taaz Weru Witu u Nunuwu'en Tombulu

¹⁸ Karegas si Yesus i mahkua niitu wia sé pahtuzu'en ni Yohanes Menanarani, méyé si tonaas um walé peraragésan né tou Yahudi, ang kumuruzla i mahsigi' ni Sia ang kumuama, “Si kooki'ku én taré kalekepala, taan sa tanu an toro mangépé'mé witi waléku wo maizeta'mé u lengen-Mu wia ni sia wo ni sia matou sumaup.”

Matius 9:18 Iomraidhean Croise

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 15:25

Taan si wéwéné itii é rimétéla si Yesus ang kumuruzla wo mahsigi' wia ni Sia kuana, “Tuang, tulungen ndootuumé ni aku.”

Matius 17:14

I si Yesus wo sé pahtuzu'en-Na nimawurima sumaup wia sé tou lakez itii, a méyé wia si Yesus si tou ang kumuruzla i mahsigi',

Matius 20:20

A méyé wia si Yesus si mahayo ni Zebedeus karia né oki'na zua. A sia kumuruzla witu u sinaru ni Yesus im wéwéhan um pahaléien.

Matius 28:17

I ni Sia niilek nérala, a séra kumuruzla ung gio makaz witu un tana' witu u sinaru-Na, taan sé woopira im wia ni séra é mahzua-zua genang.

Matius 8:2

A méyé wia ni Sia si tou tinoro ung kusta. Si tou itii kimuruzla witu u sinaru-Na ang kumua, “Tuang, sa si Tuang paaz, si Tuang én toro lumé'osé ni aku.”

Matius 8:25

A si Yesus wongkéla né pahtuzu'en-Na. Kuan néra, “Tuang! Tulungené. Ni kita éng kaléwo'mo.”

Matius 9:17

Téntu kangkasii, un anggor werupé' én zéi'kan itahu' witu um penanahu'an anggor un urémo, ung kawal né binatang am wangunen. Pahpaan sa téntu, um penanahu'an anggor itii é mawenta' wo un anggor én ikatia'. Taan un anggor weru én itahu' witu um penanahu'an anggor um werupé' wo karia in téntu un anggor wo um penanahu'an én zéi'kan maléwo'.”

Matius 9:19

A si Yesus rumendaié a mangé karia né pahtuzu'en-Na kimiita si tou itii.

Matius 9:24

ang kua-Na, “Mondoloma, pahpaan si kooki' kenu zéi'kan nimaté, ni sia én timekel uman.” In timalingamé niitu, si Yesus én ipahké'ké' néra uman.

Lukas 13:14

Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”

Lukas 18:18

Wéwéhan si tonaas né tou Yahudi meligau wia si Yesus, “Méster lé'os, apa u léwo'zéi' wangunengku i makailek ung katou-touan makaz ing kauré-uré?”

Lukas 7:2

Im witu ém wéwéhan si tonaas né sana atus suraro Romawi. Ni sia ém wéwéhan si ata totoz karaaténa. Si ata itii én totoz saki wo tawimo maté.

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 11:32

I si Maria méikaayomola witi tampa ni Yesus a mileka ni Sia, sia kumuruzla ung gio makaz witu un tana' witu u sinaru un a'é ni Yesus a mahkua wia ni Sia, “Tuang, sa ni Ko wia'i in toro niitu, si totoz katuariku én zéi'kan nimaté.”

Kisah Rasul-rasul 13:15

I nimakabacamola ung kitap Torat wo um pinantik né nabi, sé tonaas um walé peraragésan é nimatuma tou i meligau wia si Paulus wo si Barnabas in téntii, “Katuari-katuari, sa kamu wéwéhan un ipahkukua i maheenté' um pa'émanen né tou kenu, ikuamoma!”

Kisah Rasul-rasul 28:8

In toro niitu si ama' ni Publius é meneke-nekelokan pahpaan im pasu' wo zéi'kan kumana' i mengangé-ngangé witi muri. Si Paulus mangé witi tinekelanna a sia mengaléi, karegas niitu u lengenna méizeta'nala wia si ama' itii, a si ama' itii malé'osa.