Matius 9:16 - Taaz Weru Witu u Nunuwu'en Tombulu

¹⁶ Zéi'kan siapa tou mapén u roko' weru witu ung karai tu'amo. Pahpaan sa téntu, u méipapén itii éng kumoskos wo ung karai tu'a itii é makésé' wo ung késé'na é sumelahpé'mé ung késé' kataré-taré.

Matius 9:16 Iomraidhean Croise

Matius 9:15

A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpengasi'? Taan un orasna é méyé, si brédégom in éndon im wia ni séra. In toro niitumo ni séra mahpuasa.

Matius 9:17

Téntu kangkasii, un anggor werupé' én zéi'kan itahu' witu um penanahu'an anggor un urémo, ung kawal né binatang am wangunen. Pahpaan sa téntu, um penanahu'an anggor itii é mawenta' wo un anggor én ikatia'. Taan un anggor weru én itahu' witu um penanahu'an anggor um werupé' wo karia in téntu un anggor wo um penanahu'an én zéi'kan maléwo'.”

Markus 2:21

Ang kuan-Na kasii, “Zéi'kan siapa tou mapén u roko' weru witu ung karai tu'a. Pahpaan sa téntu, u méipapén itii éng kumoskos wo ung karai tu'a é makésé' wo ung késé'na é sumelahpé'mé ung késé' kataré-taré.

Lukas 5:36

Ni Sia kasii éng kimua un aandéan walina wia ni séra, “Zéi'kan siapa tou kumésé'mé witu ung karai weru wo ipapén witu ung karai tu'amo. Sa téntu, ung karai weru itii é maléwo'. Wo u roko kinésé' witu ung karai weru itii én zéi'kan wangun ipapén witu ung karai tu'amo.

Yohanes 16:12

Lakezpé' u léwo'zéi' ikua-Kuma wia ni kamu, taan in tarékan ni kamu én zéi'kampé' makawawa i makailek niitu.

1 Korintus 13:13

In tarékan, un telu kenu u léwo'zéi' sekezé ém pahwangunenta: ma'éman wia ni Sia, mahéré' uman wia ni Sia wo u raraatéan. Witu un telu itii, un totoz wangko' é raraatéan.

2 Korintus 9:12

Pahpaan a sasawang niou in isawang sé tou ni Opo Empung sé zéi'kan siapa apa witi Yudea, zéi'kan uman i mahwuwutul am pemandungen néra, taan niitu kangkasii é mangun lakez sé tou mahkua u makasé wia si Opo Empung.