Matius 9:13 - Taaz Weru Witu u Nunuwu'en Tombulu

¹³ Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Matius 9:13 Iomraidhean Croise

Matius 12:3

Taan kuan-Na wia ni séra, “Zéi'kampé' binaca nioula wé u liné'os ni Daud, i ni sia wo sé mahkii-kiit ni sia i maharemo?

Matius 12:5

Kaapa zéi'kampé' binaca nioula witu ung kitap Torat wé sa sé walian én zéi'kan mahlé'os an tinotoz tumoro un endo Sabat witu um Walé ni Opo Empung im witu un endo Sabat, taan ni séra én zéi'kan simala'?

Matius 12:7

Witu um Pinantik Lenas, si Opo Empung éng kimua in téntii, ‘Zéi'kan a raragés ang kapaaz-Ku, taan u raraatéan.’ Sa uli-ulit katulapan niou u méipantik itii, tantumo ni kamu én zéi'kan mukum sé tou zéi'kan simala'.

Matius 19:4

Si Yesus mingkotla, “Zéi'kampé' binaca nioula wé sa si Opo Empung rengané ing kataré-taré é nimangun ni séra in tuama wo wéwéné?

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 3:8

Niitumo, ipapa- ilekla wana am pahwangunen niou i ni kamu én timula'umola a singkéla' niou.

Matius 4:17

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”

Markus 12:26

Téntu kangkasii tumoro sé nimaté in itou sumaup ni Opo Empung, zéi'kankuaa binaca niouola witu ung kitap ni Musa tumoro un zukut menulah u mahlayas, i si Opo Empung kimua wia si Musa, ‘Ni Akumo si Opo Empung ni Abraham, Opo Empung ni Ishak wo Opo Empung ni Yakub?’

Markus 12:33

U rumaraaté si Opo Empung karia péléng un até wo karia péléng ung genang, wo karia péléng ung ketez wo kangkasii u rumaraaté si kasuat tou tanu i rumaraaté un tou in esa é lumouspé'mé in ipahpuu-puuna taan péléng sé tatamun tinunu in ipahragés kaapa a raragés walina.”

Markus 2:17

U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki. Ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Lukas 10:26

A si Yesus meligau wia ni sia, kuan-Na, “Kura a méipantik witu ung kitap Torat? Apa um binacamu witu?”

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Lukas 5:31

A séra wingkotela ni Yesus, “Zéi'kan sé tou zéi'kan saki sé memandung si dokter, taan sé tou saki.

Lukas 5:32

Ni Aku i niméyé én zéi'kan métumawah sé tou ulit taan métumawah sé tou mahsingkéla', wo séra tumula'ula a siningkéla' néra.”

Yohanes 10:34

Kuan ni Yesus wia ni séra, “Wéwéhan u méipantik witu un ukum Torat niou: si Opo Empung é nimuwu'mo, ‘Ni kamu én tanu empung’.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.