Matius 8:9 - Taaz Weru Witu u Nunuwu'en Tombulu

⁹ Ni aku kimuama in téntu pahpaan ni aku kangkasii ém wéwéhan si tonaasku wo wéwéhan kasii sé suraro pahperéntangku. Sa ni aku kumuala wia si esaané im wia sé suraroku in téntii, ‘Mangémo!’ ni sia é mangé, wo wia si esa kasii, ‘Méyé wia'i!’ ni sia é méyé. Kaapa wia si ataku, ‘Pa- ayangena ung kenu!’ ni sia é maayang niitu.”

Matius 8:9 Iomraidhean Croise

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Matius 8:8

Taan kuan ni tonaas né suraro itii wia si Yesus, “Tuang, tia'mo mangé witi waléku, pahpaan ni aku én zéi'kan wangun i sumungkul si Tuang witi waléku. Taan numuwu'moma, si ataku itii é malé'os.

Markus 1:27

Péléng sé tou witu é mengusi-ngusingsing, akaz si esa é mahkua wia sé walina, “Apa mokala ang kenu! Ang kenu én tutuzu'mo weru ung kinaria ung kawasa! Ni Sia é mahperénta sé sétang wo sé sétang é mahkiit am perénta-Na.”

Lukas 4:39

A Sia rumendaila witu ung kasaru ung kokolo'anna, a mohoma um pasu'na itii, a mazéi'ma um pasu'na itii. Si wéwéné itii é rengan in timoozé a masumelewir ni séra.

Lukas 7:8

Pahpaan ni aku kangkasii ém wéwéhan si tonaasku wo wéwéhan kasii sé suraro pahperéntangku. Sa ni aku kumuala wia si esaané im wia sé suraroku in téntii, ‘Mangémo!’ ni sia é mangé, wo wia si esa kasii, ‘Méyé wia'i!’ ni sia é méyé. Kaapa wia si ataku, ‘Paayangena ung kenu!’ ni sia é maayang niitu.”

Lukas 9:1

Si Yesus tumawahmé sé mapulu' wo zua pahtuzu'en-Na, a séra enté'en-Nala am wéhan-Nala ung kawasa i mahwoho sé sétang wo mahlé'os sé tou saki.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.

Titus 2:9

Sé ata é léwo'zéi' i mahtali-talinga wia si tuang néra wo mahwangun si tuang néra i mahpaa-paaz im wana am péléng, tia' mahwingkot,