Matius 8:8 - Taaz Weru Witu u Nunuwu'en Tombulu

⁸ Taan kuan ni tonaas né suraro itii wia si Yesus, “Tuang, tia'mo mangé witi waléku, pahpaan ni aku én zéi'kan wangun i sumungkul si Tuang witi waléku. Taan numuwu'moma, si ataku itii é malé'os.

Matius 8:8 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 3:14

Taan si Yohanes é soo i sumarani si Yesus, kuana, “Un ulitna, ni aku si léwo'zéi' i sarani-Nu, taan ni Ko é niméyé uman taré wia ni aku.”

Matius 8:3

A si Yesus tumiona wia si tou itii, ang kumuama, “Ni Aku ém paaz, malé'osoma.” In toro niitukan, si tou tinoro ung kusta itii é nimalé'osa.

Matius 8:7

Ang kuan ni Yesus wia ni sia, “Ni Aku é mangé witi walému i malumé'os ni sia.”

Matius 8:9

Ni aku kimuama in téntu pahpaan ni aku kangkasii ém wéwéhan si tonaasku wo wéwéhan kasii sé suraro pahperéntangku. Sa ni aku kumuala wia si esaané im wia sé suraroku in téntii, ‘Mangémo!’ ni sia é mangé, wo wia si esa kasii, ‘Méyé wia'i!’ ni sia é méyé. Kaapa wia si ataku, ‘Pa- ayangena ung kenu!’ ni sia é maayang niitu.”

Lukas 15:19

Ni aku én zéi'mo wangun im pahkuan oki' ni ama'. Niitumo éndonola ni aku maéndo esaané wia sé tou mahpaayang wia si ama'.’

Lukas 15:21

Ang kuan ni taweng itii wia si ama'na, ‘Ama', ni aku é simingkéla'mola wia si Opo Empung si witi kasendukan wo wia si ama'. Ni aku én zéi'mo wangun im pahkuan oki' ni ama'.’

Lukas 5:8

I si Simon Petrus nimilekla u nimamuali itii a sia kumuruzla witu u sinaru ni Yesus ang kuana, “Tuang, itula'umoma aku pahpaan ni aku kenu én tou mahsingkéla'.”

Yohanes 1:27

ni Sia si niméyé timondongé ni aku. Maan i mowar uman un tali sapatu-Na ni aku én zéi'kan wangun.”