Matius 8:6 - Taaz Weru Witu u Nunuwu'en Tombulu

⁶ “Tuang, si ata witi waléku é saki. Ni sia é memitu-mitumokan ung kokolo'an pahpaan i lailai. Wo ni sia ndo'tuu én totozo zézéha.”

Matius 8:6 Iomraidhean Croise

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Matius 8:7

Ang kuan ni Yesus wia ni sia, “Ni Aku é mangé witi walému i malumé'os ni sia.”

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Kisah Rasul-rasul 10:7

I si malaekat si nimuwu'ma wia si Kornelius timula'umoma ni sia, an tawahenamé sé zua pahayoanna wo si suraro si mahtali-talinga wia si Opo Empung si sekezé memali-mali kariana.

Kisah Rasul-rasul 8:7

Pahpaan im wia sé tou lakez sé sinelazan é mahondolé sé sétang karia i mengéré-ngérét. Wo kasii lakez sé lailai wo sé kénto' é liné'osnama.

Kisah Rasul-rasul 9:33

Im witu ni sia nimahilekan karia ni tou makangaran Eneas, si waluna ta'uno i meneke-nekelokan pahpaan i lailai.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Kolose 4:1

É kamu in tuang, mapailekla an ulit wo tia' mahtémbo-témbo wia sé ata niou. Gena-genangen, ni kamu in tuang kangkasii ém wéwéhan si tuang im witi kasendukan.

1 Timutius 6:2

Sa si tuang néra én tou ma'éman wia si Yesus, tia' wo sia zéi'kan tahlous pahsigi'en, pahpaan ni séra é mahtuari i ma'éman. Taantaré, sé ata é léwo'zéi' kalousna i mahpaayang wia si tuang néra, pahpaan si tuang pahpaayangan néra itii éng katuari i ma'éman wo ikararaaté néra. Péléng ang kenu én uli-ulit ituzu'la wo isésala wia sé jamaat.

Filemon 1:16

In tarékan ni sia én zéi'kan uman ata im wia ni ko, taan ni sia é lumouspé'mé in ata. Ni sia éng katuari esa pa'émanen si totoz pahraa-raaté. Im wia ni aku, ni sia én totoz lakez un torona, woopé' kasii im wia ni ko! Tantumo ni sia én totoz wéwéhan torona, ni sia in ata kaapa ing katuari esa pa'émanen wia si Mahpiara.