Matius 8:5 - Taaz Weru Witu u Nunuwu'en Tombulu

⁵ I si Yesus muntepa witi Kapernaum, a méyé si tonaas né sana atus suraro Romawi i mekitulung wia ni Sia, kuana,

Matius 8:5 Iomraidhean Croise

Matius 11:23

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka. Pahpaan sa a makakompo'en winangun-Ku witi wanua niou ém winangun-Ku witi Sodom, tantumo um wanua tua'na itii ém wiapé' makaz in tarékan.

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Matius 9:1

Kumawusa niitu, si Yesus karia né pahtuzu'en-Na sumakéma witu u londéi a lumewet u louz. Tumondong niitu, a Sia ikaayola witi wanua tua'na pahwéha-wéhan-Na.

Markus 15:39

I si tonaas né sana atus suraro si rimendai simaru u salip ni Yesus nimileka si Yesus ing kinalekepan én téntu u nimamuali, kuana, “Totoz ulit, si Tou kenu én Oki' ni Opo Empung!”

Markus 2:1

Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé.

Kisah Rasul-rasul 22:25

Taan i si Paulus méilélaz nérala i saluken, a sia kumuama wia si tonaas né sana atus suraro si mahpaayang witu, “Toro wé i sumaluk si tou Romawi sa sia zéi'kampé' tinotoz am winangunna in ulit kaapa zéi'kan?”

Kisah Rasul-rasul 23:17

A si Paulus tumawahmé si esaané im wia sé tonaas né sana atus suraro ang kumua wia ni sia, “Ipahwalima si tarétumou kenu wia si tonaas niou, pahpaan wéwéhan u léwo'zéi' maikua ni tarétumou kenu wia ni sia.”

Kisah Rasul-rasul 23:23

Kumawusa niitu, si tonaas né sana riwu suraro tumawahmé sé zua tonaas né sana atus suraro ang kumua, “Ipekiimekla sé zuana atus suraro wo sé pituna pulu' suraro menaké kawalo wo sé zuana atus suraro mahali-ali am wengkou, im wengi kenu im woo jam kasiou i mangé witi Kaisarea.

Kisah Rasul-rasul 27:13

In toro niitu, u reges timuh én zéi'kan repet. Niitumo, pahgenangen nérala ni séra én toromo suméngkot sumaup tanu ung ginenang néra. An isaké néramé un jangkar a suméngkot meruruhma un tasik ung katanaan Kreta.

Kisah Rasul-rasul 27:31

Taan si Paulus éng kimuama wia si tonaas né sana atus suraro karia né surarona, “Sa sé memamaayang wia u londéi tua'na kenu zéi'mo wia'i, ni kamu én ikaléwo'.”

Kisah Rasul-rasul 27:43

Taan si tonaas né sana atus suraro itii é siméro' ni séra i mangun ang ginenang néra, pahpaan ni sia ém paaz in tumulung si Paulus. Am peréntanama sé tou mata'u mengoyou i mahpuunama ing kumonta'ma witi tasik wo moyoua mangé witi katanaan.

Kisah Rasul-rasul 9:38

Sé tou ma'éman wia si Yesus witi Yope én timalingala i si Petrus ém witi Lida, um wanua zéi'kan tahlous zou' im witi Yope. Niitumo ni séra nimatuma sé tou zua i matumawah si Petrus karia kumua in téntii, “Pahrewekomé méyé wia ni kai.”