Matius 8:4 - Taaz Weru Witu u Nunuwu'en Tombulu

⁴ Ang kuan ni Yesus wia si tou itii, “Gena-genangen, tia' ipahkukuamu wia si séi uman kura ni ko i nimalé'osa, taan mangémo, papailekla un toumu wia si walian i ni ko é lé'oso. Wo iwéhéla u raragés tanu u méiperénta ni Musa, un tumuzu'mé wia ni séra i ni ko é lé'oso.”

Matius 8:4 Iomraidhean Croise

Matius 10:18

Wo pahpaan mahkiit ni Aku, ni kamu ém pahwali néra wia sé mahkawasa wo wia sé kolano ing kumua a niilek wo an tinalinga niou tumoro ni Aku wia ni séra wo wia sé tahsasana wanua sé zéi'kan mata'u si Opo Empung.

Matius 16:20

A séra séro'ela ni Yesus in tia' ipahkukua wia si séi uman i ni Sia é Mesias.

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Matius 5:17

Kuan kasii ni Yesus, “Ni kamu én tia' mahgenangla sa ni Aku i niméyé wia ung kaayahan kenu é mézuméi' un ukum Torat wo an tutuzu' né nabi. Ni Aku i niméyé wia ung kaayahan kenu zéi'kan i zuméi' niitu taan i lumekep niitu.

Matius 6:1

Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Matius 9:30

In toro niitukan ni séra én toromo mahilek. A séra totoz kuaala ni Yesus, “Tia' ipahkukua niou wia si séi uman tumoro u nimamualima kenu.”

Markus 13:9

Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku.

Markus 3:12

Taan ni séra én totoz sinéro'-Nala in tia' ipahkua wia sé tou walina sa séi Sia.

Markus 5:43

Ni séra én totoz sinéro'la ni Yesus, in zéi'kan toro ipengua-ngua wia si séi uman u nimamualima itii. A séra iatu-Nama i méhéla tikohon wia si kooki' itii.

Markus 6:11

Taan sa wéwéhan sé soo sumungkul ni kamu wo soo tumalinga ni kamu, mondolé im witi tampa néra, itangkaré an awu witu un a'é niou, i mapagenang wia ni séra i si Opo Empung é mukum ni séra.”

Markus 7:36

Si Yesus é siméro'la sé tou witu, in tia'mo mahsisirita wia si séi uman u nimamualima itii. Taan kalousna séra im pahséro'en-Na, kazou'na uman taré ni séra i mahwoka' a nimamuali itii.

Markus 8:30

A séra séro'ela ni Yesus, wo séra zéi'kan kumua wia si séi uman tumoro ni Sia.

Markus 9:9

I ni séra nimerosé im witi kentur itii, si Yesus é nimapagenanga wia ni séra, wo séra zéi'kan masumirita wia si séi uman a niilek néra itii, puunala si Oki' ni Tou matoumé sumaup im wia sé nimaté.

Lukas 17:14

A si Yesus merena wia ni séra ang kumua, “Mangémo wo maipapailekla un tou niou wia sé walian.” Karegas séra i mahlampang a malé'osa a saki néra.

Lukas 21:13

In toro niitumo un oras niou ing kumua an niilek niou tumoro ni Aku.

Lukas 4:41

Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Lukas 5:14

Si Yesus é siméro'la ni sia i mahkua wia si séi uman a nimamualima itii. A Sia kumua kasii, “Mangémo wia si walian wo papailekla wia ni sia i ni ko é lé'oso wo iwéhéla u raragés tanu u méiperénta ni Musa un tumuzu'mé wia ni séra i ni ko é lé'oso.”

Lukas 8:56

Sé tu'a ni kooki' itii én totoz mengusi-ngusingsing i nimilek u nimamuali. Taan ni séra é sinéro'la ni Yesus i sumirita a nimamuali itii wia sé tou.

Lukas 9:21

A séra totoz séro'en-Nala in tia' mahkukua tumoro niitu wia si séi uman.

Yohanes 5:41

Ni Aku én zéi'kan menéro u sisigi'an né tou.

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Yohanes 8:50

Ni Aku én zéi'kan mahaléi sé tou i sumigi' ni Aku. Wéwéhan si esa si paaz wo ni Aku sigi'en, ni Siamo si mahtotoz in ulit kaapa zéi'kan um pahwangunen né tou.