Matius 8:26 - Taaz Weru Witu u Nunuwu'en Tombulu

²⁶ Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Matius 8:26 Iomraidhean Croise

Matius 16:8

Kata'uan ni Yesus um pahsiritan néra, a Sia kumuala, “É kamu in tou zéi'kan tahlous ma'éman! Kaa kamu maza'i uman taré tumoro un zéi'kan nimahalimé roti?

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 6:30

Niitumo, sa an zukut witi kapelasan an tumoumé in tarékan wo i sando én ziketano ém pahimeken ni Opo Empung, zéi'kankuaa si Opo Empung é mimek ni kamu lumouspé'mé niitu, é kamu sé zéi'kan tahlous ma'éman?

Matius 8:27

Sé pahtuzu'en ni Yesus é mengusi-ngusingsing. A séra mahkua, “Tou kura si Tou kenu taka-takazan u reges wo u sempa' é mahtali- talinga ni Sia.”

Lukas 4:35

Taan si Yesus é rimekaka ni sia, “Menesla wo mondola im wia ni sia!” Si tou itii méiwasala ni sétang witu u unez né tou lakez, a sia mondola zéi'kan nimangun si tou itii mendan rumara.

Roma 4:20

Ni sia én totoz ma'éman wo zéi'kan mahzua-zua genang im witu u méitaaz ni Opo Empung. Lumouspé'tarémé niitu, um pa'émanenna éng kaenté'na wo ni sia mahlooz wo mahsigi' si Opo Empung.

Wahyu 10:2

Witu u lengenna ém wéwéhan ung kitap kori' ginulung, u nimawukamo. Un a'éna kakan é liméék witu um wawo un tasik wo un a'éna kawihi é liméék witu um wawo un tana'.