Matius 8:2 - Taaz Weru Witu u Nunuwu'en Tombulu

² A méyé wia ni Sia si tou tinoro ung kusta. Si tou itii kimuruzla witu u sinaru-Na ang kumua, “Tuang, sa si Tuang paaz, si Tuang én toro lumé'osé ni aku.”

Matius 8:2 Iomraidhean Croise

Matius 10:8

Lé'osela sé tou saki, itoumé sumaup sé tou nimatémo, lé'osela sé tou tinoro ang kusta wo iwohola sé sétang. Péléng ang kawasa itii é mémoitambér wia ni kamu, niitumo itambér kasiila niitu i sumawang sé tou walina.

Matius 13:58

Pahpaan ni séra zéi'kan ma'éman, zéi'kan lakez a makakompo'en winangun-Namé im witu.

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 15:25

Taan si wéwéné itii é rimétéla si Yesus ang kumuruzla wo mahsigi' wia ni Sia kuana, “Tuang, tulungen ndootuumé ni aku.”

Matius 18:26

Kaitalingamé niitu, si ata itii rengan ing kimuruzla a sumigi' si kolano itii, kuana: ‘Tuang, mezenpé'la oki', péléng an utangku ém pakawaérengku.’

Matius 2:11

A séra muntepla witu um walé, a milekla si Koki' itii karia si Maria si ina'-Na, a séra kumuruzla i mongkot wo mahsigi' ni Sia. Wukan nérala am pelélé'osan néra, an éndon néramé u mas, ung kamania wo u mur an iwéhé nérala wia ni Sia.

Matius 20:20

A méyé wia si Yesus si mahayo ni Zebedeus karia né oki'na zua. A sia kumuruzla witu u sinaru ni Yesus im wéwéhan um pahaléien.

Matius 26:6

I si Yesus witi Betania, witi walé ni Simon si i makasa én tinoro ung kusta,

Matius 28:17

I ni Sia niilek nérala, a séra kumuruzla ung gio makaz witu un tana' witu u sinaru-Na, taan sé woopira im wia ni séra é mahzua-zua genang.

Matius 28:9

Kumompo'mé si Yesus é nimahilekanola karia néra a Sia sumigi'la wia ni séra. Séra rumétéla ni Sia, a mingki'la un a'é-Na a mahongkot wia ni Sia.

Matius 4:9

Ang kuan ni tonaas né sétang wia si Yesus, “Péléng am pahileken-Numa itii én iwéhéku wia ni Ko sa Ko mongkot wo sumigi' ni aku.”

Matius 8:1

I si Yesus nimerosomé im witi kimeleng, lakez sé tou nimahtotondongané mahkiité ni Sia.

Matius 8:25

A si Yesus wongkéla né pahtuzu'en-Na. Kuan néra, “Tuang! Tulungené. Ni kita éng kaléwo'mo.”

Matius 9:18

Karegas si Yesus i mahkua niitu wia sé pahtuzu'en ni Yohanes Menanarani, méyé si tonaas um walé peraragésan né tou Yahudi, ang kumuruzla i mahsigi' ni Sia ang kumuama, “Si kooki'ku én taré kalekepala, taan sa tanu an toro mangépé'mé witi waléku wo maizeta'mé u lengen-Mu wia ni sia wo ni sia matou sumaup.”

Lukas 4:27

Téntu kangkasii im witu un oras ni nabi Elisa im puuna, lakez sé tou Israel tinoro ung kusta taan maan in esa én zéi'kan siapa im wia ni séra sé liné'osna, akaz uman si Naaman, si tou Siria itii.”

Yohanes 9:38

Kuana, “Ni aku é ma'éman, Tuang!” A sia sumigi' karia ing kimuruzla ung gio makaz witu un tana' witu u sinaru ni Yesus.

Kisah Rasul-rasul 10:14

Taan si Petrus é nimingkoté in téntii, “Zéi'kan Opo Empung. Ni aku én zéi'kampé' nimahseza-seza'la sé binatang sinéro' im pahseza'en wo makati'tiren.”

Kisah Rasul-rasul 10:25

I si Petrus mahuuntep witu um walé, a si Kornelius mésumungkul ni sia. Ni sia éng kimuruzla witu u sinaru ni Petrus a sumigi' wia ni sia.

1 Korintus 14:25

Wo péléng a méikawuni witu un aténa é makata'uanna. Niitumo sia kumuruzla a mongkot wo mahsigi' si Opo Empung ang kumua, “Totoz ulit, si Opo Empung ém witu un unez niou.”

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”