Matius 8:13 - Taaz Weru Witu u Nunuwu'en Tombulu

¹³ A si Yesus kumuama wia si tonaas né suraro itii, “Mawurimoma wo mamualila wia ni ko tanu um pa'émanennu.” In toro niitukan, si ata ni tonaas né suraro itii é rengan i nimalé'osa.

Matius 8:13 Iomraidhean Croise

Matius 15:28

Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 8:4

Ang kuan ni Yesus wia si tou itii, “Gena-genangen, tia' ipahkukuamu wia si séi uman kura ni ko i nimalé'osa, taan mangémo, papailekla un toumu wia si walian i ni ko é lé'oso. Wo iwéhéla u raragés tanu u méiperénta ni Musa, un tumuzu'mé wia ni séra i ni ko é lé'oso.”

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Markus 7:29

Ang kuan ni Yesus wia si ina' itii, “Pahpaan u méikuamumé itii, niitumo mawurimoma, si sétang itii é nimondoloma im wia si oki'mu.”

Markus 9:23

A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”

Yohanes 4:50

Kuan ni Yesus wia ni sia, “Mangémo, si oki'mu é lé'oso.” Si tou itii é ma'éman u méikuamé ni Yesus, a sia mawurima.