Matius 7:21 - Taaz Weru Witu u Nunuwu'en Tombulu

²¹ Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Matius 7:21 Iomraidhean Croise

Matius 12:50

Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 18:19

Wo kasii ikua-Kuma wia ni kamu: Sa sé tou zua im wia ni kamu wia ung kaayahan kenu nimaesaan i mengaléi, um pahaléien néra itii én énéan ni Ama'-Ku si witi kasendukan.

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 18:35

Téntumo kangkasii um wangunen ni Ama'-Ku si witi kasendukan wia ni kamu. Ni kamu si esa wo si esa én ukumen-Na sa kamu zéi'kan uli-ulit méhéla ampungan wia si katuarimu.”

Matius 19:24

Isaup-Kupé'ma wia ni kamu: si ontapé' si melé'os umana i muntep witu um wosona ung kéténgen taan si tou wa'ilan i muntep witi Kakolanoan ni Opo Empung.”

Matius 25:10

Taan karegas sé raraha lemou itii i matimeles lana, a mawiamé si brédégom. Sé lima raraha tulap sé nimimeko é nimuntepa kariana witu um pahkawéngan, am penetené um pepenet.

Matius 25:21

Ang kuan ni tuangna wia ni sia, ‘Totoz wangun um winangunmula itii. Ni ko én ata lé'os wo toro pa'émanen. Ni ko én toro pa'émanen i mahpaayang ang kori', niitumo ni ko én tarawésaangku u lumouspé'mé niitu. In tarékan muntepomé wo méyémo i mahpaa-paaz kariaku!’

Matius 26:39

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

Markus 9:47

Sa um werenmu mangunla ni ko mahsingkéla', suitenola um weren itii! Pahpaan tawimo ni ko muntepa witi Kakolanoan ni Opo Empung karia um weren kasaru uman, taan ni ko é makaweren un zua méiuntep umana witi naraka.

Lukas 11:28

Taan kuan ni Yesus, “Si mahpaa-paaz é si tou mahtalinga wo mahwangun u Nuwu' ni Opo Empung.”

Lukas 13:25

Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’

Lukas 18:25

Pahpaan si ontapé' si melé'os umana i muntep witu um wosona ung kéténgen, taan si tou wa'ilan i muntep witi Kakolanoan ni Opo Empung.”

Lukas 6:46

Ang kuan kasii ni Yesus, “Kaa kamu mahtawah ni Aku, ‘Tuang, Tuang’, taan ni kamu én zéi'kan mahwangun an ipahkua-Ku?

Yohanes 14:7

Sa ni kamu mata'u ni Aku, tantumo ni kamu kasii é mata'u si Ama'-Ku. Rengan in tarékan ni kamu é mata'u ni Sia wo ni kamu é nimileko ni Sia.”

Yohanes 15:23

Séi uman si mazi'zis ni Aku, ni sia kangkasii é mazi'zis si Ama'-Ku.

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 5:17

Taan ni Sia kimuala wia ni séra, “Si Ama'-Ku é mahpaayang makaz in tarékan, téntu kangkasii ni Aku é mahpaayang.”

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 2:13

Pahpaan sé niéndo ulit im witu u sinaru ni Opo Empung én zéi'kan sé timalinga un ukum Torat, taan sé niéndo ulit é sé tou mahwangun un ukum itii.

Efesus 6:6

Tia' kamu mahtali-talinga wo mahsigi' sé tuang im witu u sinaru néra i mangun uman sé tou mahpaa-paaz, taan ni kamu in ata ni Kristus én uli-ulit mahwangunla ang kapaaz ni Opo Empung.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 4:3

Ang kenumo ang kapaaz ni Opo Empung: Ni kamu é menou-nou karia ung kalenasan, zou'mé im wana ang kasamekan.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Ibrani 4:6

Pahpaano niitu, mémoikatuzu'mé im wéwéhan sé woopira sé maikauntep witu un tampa makanaan itii. Taan wia sé nimaopota sé puuna timalinga u nuwu' makapaazen itii, zéi'kan nimuntep witu un tampa makanaan itii, pahpaan ni séra é soo mahtali-talinga wia si Opo Empung.

Yakobus 1:22

Ni kamu é léwo'zéi' i mahwangunla u nuwu' ni Opo Empung, zéi'kan uman mahtalinga niitu. Pahpaan sa zéi'kan téntu, ni kamu é mahtowomo witu un tou niou in esa.

1 Petrus 2:15

Un totoz kapaaz ni Opo Empung ni kamu é mahwangun a lé'os. Pahpaan karia in téntu ni kamu é nimangun a sumah né tou lemou ing kumana'la im wayaan uman ang kanuwu'an tumoro ni kamu.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

Wahyu 2:27

Wo ni sia i merénta ni séra én zéi'kan siapa ampungna, tanumokan merénta karia un teken uaséi. Ni séra éng kemun tanumokan ing kumemuma ung kuré' tana'. Ung kawasa itii é masuat wo ung kawasa ung kinailekang-Kumé im wia si Ama'-Ku.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.

Wahyu 3:5

Séi si nimuntung, ni sia éng karaian ung karai kulo' tanu niitu. U ngaran ni tou itii én zéi'kan pali'eng-Ku im witu ung Kitap Katou-touan, taantaré ni Aku é makaulit witu u saru-sarun ni Ama'-Ku wo né malaekat-Na, ing kumua i si tou itii én tou-Ku.