Matius 7:16 - Taaz Weru Witu u Nunuwu'en Tombulu

¹⁶ Ni séra én toro kata'uan niou im wana am wua'na am pahwangunen néra. Toro wé si tou i mupu'mé um wua'na un anggor wana am panga menulah kaapa um wua'na un ara wana an zukut menulah?

Matius 7:16 Iomraidhean Croise

Matius 12:33

“Sa ung kai ém wangun, tantumo um wua'na kangkasii ém wangun. Taan sa ung kai én zéi'kan wangun, tantumo um wua'na kangkasii én zéi'kan wangun. Ung kai wangun kaapa zéi'kan én toro uman kata'uan witu um wua'na.

Matius 7:20

Niitumo, im wana am wua'na am pahwangunen néra, toro kata'uan niou sa séra ulit nabi kaapa zéi'kan.”

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”

Yakobus 3:12

Katuari-katuariku, toro wé ung kai ara mua'mé zaitun wo un anggor mua'mé ara? Téntu kangkasii, zéi'kan mamuali ung kembu'an pahkembu'ané un zano mahnanam asin wo pahkembu'an kangkasiimé un zano tewang.