Matius 7:15 - Taaz Weru Witu u Nunuwu'en Tombulu

¹⁵ Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Matius 7:15 Iomraidhean Croise

Matius 10:17

Taan mile-ilek im wia péléng sé tou. Pahpaan wéwéhan sé mayo ni kamu witi mahkama agama wo ni kamu kasii é masaluken néra witi walé peraragésan néra.

Matius 16:11

In tarékan, kaa kamu zéi'kan makatulap sa u méikua-Ku ing kataré én zéi'kan tumoro u roti? Mile-ilek im wana a ragi né sana réwok tou Farisi wo Saduki!”

Matius 16:6

Kuan ni Yesus wia ni séra, “Tuméga-tégam wo mile-ilek im wana a ragi né sana réwok tou Farisi wo Saduki.”

Matius 24:11

Lakez sé nabi towo sé méyé wo lumulu sé tou lakez.

Matius 7:14

Taan um pepenet i mangé witu ung katou-touan ém pesut wo u lalan mangé witu ém pesut wo toyo' uman sé tou kumiit witu.”

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 6:26

Ikaléwo'la ni kamu sa péléng sé tou é mahlooz ni kamu, pahpaan téntu kangkasii am pinahwanguné né nimaopo néra wia sé nabi towo im puuna.”

Yohanes 10:12

Taan si pemamaéran uman ni makaanu sé domba wo zéi'kan makaanu sé domba itii én tumingkas tumula'u sé domba itii i mileka si serigala mahéyé. Niitumo sé domba itii é sineza' wo siniru ni serigala.

Kisah Rasul-rasul 13:40

Pahpaano niitu, ni kamu é léwo'zéi' in tuméga-tégam, wo zéi'kan mamuali wia ni kamu apa a mémoikua né nabi wana am pinantik néra in téntii,

Kisah Rasul-rasul 13:6

Tumondong niitu, ni séra é mahliklik wana péléng an tampa witu ung katanaan itii makaz witi Pafos. Im witu ni séra é nimasungkulan karia ni tou Yahudi, si makangaran Bar-Yesus. Si tou itii é meriara wo nabi towo.

Galatia 2:4

Un tumoro si Titus zéi'kan sinunat é méikakuamé pahpaan im witu ém wéwéhan sé mahkua-kua ma'éman wia si Yesus, taan un ulitna ni séra én towo, ni séra mahtututu' wo si Titus é sunaten. Ni séra é mahwuni-wuni i nimuntepé kimariala ni kai sé uli-ulit ma'émano si Kristus. Ni séra nimangunla an téntu wo séra toro mahilek apa um pahwangunenta i ni kita zéi'mo mahkiit un ukum Torat pahpaan nimaesa karia ni Kristus Yesus. Ni séra é mahtututu' wo kita ikakiit sumaup i mahwangun un ukum Torat. Sa kita ikakiitla, ni kita én tanu pahata-atan un ukum Torat itii.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

Filipi 3:2

Mile-ilek im wia sé tou sé wangun im pahkuan asu. Mile-ilek im wia sé tou mahpaayang a léwo'an. Mile-ilek im wia sé tou sé mahtututu' i sumunat ni kamu mengiit un ukum Torat.

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

2 Timutius 4:3

Pahpaan un orasna é méyé i sé tou soomo an tutuzu' ulit. Ni séra ruméwok sé méster mengiit um paaz néra ing kumua ang kapaaz néra in talingan.

2 Petrus 3:17

Taan ni kamu, katuari-katuari ikararaatéku é mata'umo niana. Niitumo mile-ilek én taa kamu ikakiit umanla sé méster towo sé méikalulu pahpaan an tutuzu' towo itii, makaz ni kamu zéi'mo ma'éman im wana an tutuzu' kaulitan.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.

Wahyu 16:13

An ilekengkuma im witu u sumah ni naga wo im witu u sumah ni binatang makaindé'en wo kasii im witu u sumah ni nabi towo itii é nimondolé sé telu roh léwo' tanumokan sé pékak.

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.