Matius 7:13 - Taaz Weru Witu u Nunuwu'en Tombulu

¹³ Ang kuan kasii ni Yesus, “Muntepa kumiita witu um pepenet pesut, pahpaan um pepenet loang wo u lalan lempaz é mangé witi naraka, wo lakez sé tou mahuntep mahkiita witu.

Matius 7:13 Iomraidhean Croise

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 3:8

Niitumo, ipapa- ilekla wana am pahwangunen niou i ni kamu én timula'umola a singkéla' niou.

Matius 7:14

Taan um pepenet i mangé witu ung katou-touan ém pesut wo u lalan mangé witu ém pesut wo toyo' uman sé tou kumiit witu.”

Lukas 14:33

Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”

Lukas 9:33

I sé tou zua itii mahtutula'umo si Yesus, si Petrus kumuama wia ni Sia, “Méster, totoz makapaazen ni kita im wia an tampa kenu. Ni kai é rumendai un terung telu. Un esa én iwéhé wia si Méster, un esa wia si Musa wo un esa wia si Elia.” Taan zéi'kan kata'uan ni Petrus u méikuanama.

Yohanes 10:9

Ni Akumo si pepenet. Séi uman si muntep kimiité ni Aku, ni sia én ipilot im witu un ukuman wana a singkéla'. Ni sia én tanu si domba si muntep wo mondol a makailek kakanen.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Roma 9:22

Téntu kangkasii um winangun ni Opo Empung. Ni sia éng gimenang i mapailek un upi'-Na wo mapailek ung kawasa-Na. Taan ni Sia én ezen im wia sé tou tinotoz-Namo i léwo'en pahpaan nimanguno ni Sia in totoz maupi'.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Korintus 6:17

Pahpaano niitu, Mondolé ni kamu im witu un unez né tou zéi'kan ma'éman, wo tumampasé im wia ni séra, Nuwu' ni Opo Empung. Wo tia' kamu memua-muali a singkéla' u mangun ni kamu i makati'tiren, wo kamu sungkuleng-Ku.

Galatia 5:24

Séi uman sé toumo ni Kristus Yesus, ni sia én zéi'mo mahkiit u lelo un awak i mahwangun a léwo' wo ung genang i mangun a léwo'an. Ni sia é simalipo péléng a lelo un awak i mahwangun a léwo' wo um paaz i mangun a léwo'an.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:8

Si binatang itii ém pahongkotan wo pahsigi'en péléng né tou mahento' wia ung kaayahan, sé rengané ung kaayahan kenu im winangun, a ngaran néra én zéi'kan méipantik witu ung Kitap Katou-touan un anu ni Anak ni Domba, si kinerizo.

Wahyu 20:15

Peléng sé tou sé makangaran un zéi'kan méikapantik witu ung kitap katou-touan itii, méiwerit witu un tasik api melaya-layas itii.

Wahyu 20:3

An iweritnama si naga itii witu um woso um patéan. Ang kusi'ennamé um woso um patéan itii a segelennamé um wawona. Karia in téntu, si naga itii én zéi'mo mata'u lumulu sé tahsasana wanua witu u sana riwuna ta'un. Ing kimawusoma u sana riwuna ta'un, si naga itii én ipilot sumaup ni malaekat itii taan zéi'kan mauréma.