Matius 7:11 - Taaz Weru Witu u Nunuwu'en Tombulu

¹¹ Niitumo, sa kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé am wangun wia sé tou mahaléi wia ni Sia.

Matius 7:11 Iomraidhean Croise

Matius 23:9

Tia' kamu mahtawah si séi uman in ‘ama'’ im wia ung kaayahan, pahpaan si Ama' niou én esa uman, ni Siamo si Ama' witi kasendukan.

Matius 7:10

Kaapa méhé ulé', sa si oki'na mah- aléi seza'?

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Roma 3:9

Niitumo, apa ni kita in tou Yahudi é lumé'ospé'mé sé tou zéi'kan Yahudi? Zéi'kan! Pahpaan ing kataré é méikuatamoma im péléng sé tou Yahudi wo péléng sé tou zéi'kan Yahudi éng kinawasa a singkéla'.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

Galatia 3:22

Taan witu um Pinantik Lenas méipantik, “Péléng sé tou éng kinawasamo a singkéla'.” Niitumo, un taaz ni Opo Empung un iwéhé mengiité um pa'émanen wia si Yesus Kristus én iwéhé wia ni séra sé ma'éman wia ni Sia.

Yakobus 1:17

Péléng am pahkailekanta am wangun wo an zéi'kan siapa pahséro'an ém witi kasendukan a méyé, pahtumpamé ni Ama' si mahwanguné péléng a mahsena' witi langit a satorona é marimbengbenga. Taan ni Sia én zéi'kan tanu niitu, ni Sia én zéi'kan mahwali-walinala wo u lé'os-Na én zéi'kan mazéi-zéi'la.

1 Yohanes 3:1

Ilekela, ung kawangko' u raraatéan méitambéré ni Ama' wia ni kita, taka-takazan ni kita pahkuan in oki' ni Opo Empung. Wo niitu én ulit i ni kita én oki' ni Opo Empung. Niitumo, sé tou mahkiit u lelo léwo' ung kaayahan én zéi'kan mata'u ni kita, pahpaan sé tou itii én zéi'kan mata'u ni Sia.

1 Yohanes 4:10

Ung kenumo u raraaté itii: Zéi'kan ni kita sé rimaraatémo si Opo Empung, taan si Opo Empung si rimaraatémo ni kita wo nimatu si Oki'-Na in zuméi' a singkéla' pahlé'osenta.