Matius 6:9 - Taaz Weru Witu u Nunuwu'en Tombulu

⁹ Pahpaano niitu, sa kamu mengaléi, mengaléiola tanu ang kenu, Ama' nai witi kasendukan, u ngaran-Mu é lenasen,

Matius 6:9 Iomraidhean Croise

Matius 10:29

Zéi'kankuaa sé ringkéng zua én iwangkér karia un zoit totoz rintek uman? Taan, zozo'mokan in téntu zéi'kan siapa im wia sé ringkéng itii sé ikagogo sa zéi'kan witu um paaz ni Ama' niou.

Matius 23:9

Tia' kamu mahtawah si séi uman in ‘ama'’ im wia ung kaayahan, pahpaan si Ama' niou én esa uman, ni Siamo si Ama' witi kasendukan.

Matius 26:29

Taan, ikua-Kuma wia ni kamu, ni Aku én zéi'mo mahele-elepla un anggor kenu, makaz witu un endo ni Aku i melep un anggor weru karia niou witi Kakolanoan ni Ama'-Ku.”

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Matius 5:16

Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Matius 6:14

Pahpaan sa kamu méhéla ampungan wana ang kasumalaan né tou, si Ama' niou si witi kasendukan kangkasii é méhé un ampungan wia ni kamu.

Matius 6:6

Taan sa ni kamu mengaléi, muntepla witi penenekelan niou, likepé um pepenet wo mengaléila wia si Ama' niou si witi tampa méikawuni. Karia in téntu, si Ama' niou si mahileké a méikawuni é méhé um wawaér wia ni kamu.

Matius 7:11

Niitumo, sa kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé am wangun wia sé tou mahaléi wia ni Sia.

Lukas 15:18

Itula'uku un tana' kenu wo mawuri wia si ama'ku. Ni aku makumua wia si ama'ku: Ama', ni aku é simingkéla'mola wia si Opo Empung si witi kasendukan wo wia si ama'.

Lukas 15:21

Ang kuan ni taweng itii wia si ama'na, ‘Ama', ni aku é simingkéla'mola wia si Opo Empung si witi kasendukan wo wia si ama'. Ni aku én zéi'mo wangun im pahkuan oki' ni ama'.’

Lukas 2:14

“U sigi' wo u looz én iwéhé uman wia si Opo Empung si witi kaséndukan! Wo ung kaluasan witu un até wia sé tou wia ung kaayahan, sé mahwangun si Opo Empung mahpaa-paaz.”

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Roma 1:7

Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Galatia 1:1

Um pinantik kenu ém wia ni aku Paulus a mangé. Ni aku én aatu ni Yesus Kristus, zéi'kan pahpaan méiatu né tou kaapa pahpaan tinotoz ni tou, taan pahpaan si Yesus Kristus wo si Opo Empung, si Ama', si timoumomé sumaup si Yesus im wia sé nimaté.

Galatia 4:6

Pahpaan ni kamu én oki' ni Opo Empung, niitumo si Opo Empung nimatumé si Roh ni Oki'-Na witu un atéta, si tumawah, “O Abba, o Ama'ku!”

1 Timutius 6:16

Ni Sia uman si zéi'kan kinala um patéan, menou-nou witu un ayah un zéi'kan mata'u kalelezan. Zéi'kan siapa tou si nimileko ni Sia wo un ulitna én zéi'kan siapa si tou toro milek ni Sia. Péléng a sisigi'an wo ang kawasa ém wia ni Sia uman makaz ing kauré-uré. Amin.

1 Petrus 1:17

Pahtawahen niou si Opo Empung in Ama', ni Sia si zéi'kan mahtémbo-témbo i mahtotoz ulit kaapa zéi'kan mengiit am pinahwanguné né tou. Niitumo, ni kamu sé limepuh umané wia ung kaayahan kenu é léwo'zéi' mahsigi' ni Sia.

Wahyu 4:11

“O Mahpiara wo Opo Empung nai. Ni Ko uman si wangun i makailek u lolooz wo sisigi'an wo ung kawasa. Pahpaan péléng am péléng ém winangun-Mu, wo pahpaan ing kapaaz-Mu, niana péléng ém winangun wo wia.”

Wahyu 5:12

Ni séra é mahkantar totoz rimez, kuan néra, “Si Anak ni Domba si kinerizo itii, si wangun i makailek ang kawasa, ang kawa'ilanan, ang katulapan, ang kaenté'an, a sisigi'an, ang kawangko'an wo a lolooz!”