Matius 6:5 - Taaz Weru Witu u Nunuwu'en Tombulu

⁵ “Sa ni kamu mengaléi én tia' tanu sé tou mahgau-gau lé'os i mengaléi. Ni séra sa mengaléi én totoz paaz mererendai witu un untep am walé peraragésan né tou Yahudi wo wana ang kaéngkolan a lalan, wo séra pahilekené né tou. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 6:5 Iomraidhean Croise

Matius 21:22

Apa uman am pahaléien niou witu um pengaléien karia in uli-ulit ma'éman, niitu é makailekan niou.”

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Matius 23:6

Ni séra ém paaz merurumez wana a rurumezan witi totoz puuna im wana am pahpéstaan wo wana am walé peraragésan né tou Yahudi.

Matius 6:1

Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:2

Niitumo, sa ni kamu méhé a sasawang wia sé tou zéi'kan siapa apa, tia'mo ipahwowoka' niou tanu am pahwangunen né tou mahgau-gau lé'os im wana am walé peraragésan né tou Yahudi kaapa wana a lalan, i mekilooz. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 9:38

Niitumo, mahaléiola wia si makauma wo awesan-Namé tou i mémupu'.”

Markus 11:25

Sa kamu rimendai i mengaléi, ampungampé'la si tou si simala'la wia ni kamu, wo si Ama' niou si witi kasendukan é méhé un ampungan wana ang kasumalaan niou.” [

Markus 12:38

I si Yesus mahtuzu', ni Sia éng kimua, “Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en né tou wana am pasar.

Lukas 11:43

Ikaléwo'mo ni kamu sé sana réwok tou Farisi! Pahpaan totoz kapaaz niou i merurumez wana a rurumezan witi totoz puuna im wana am walé peraragésan né tou Yahudi wo paaz pahsigi'en né tou wana am pasar.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Lukas 20:47

Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”

Lukas 6:24

Taan ikaléwo'la ni kamu sé in tarékan tou wa'ilan, pahpaan ni kamu é nimahpaa-paazola witu ung kawa'ilanan niou.

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

1 Tesalonika 5:17

Tia' mazéi' i mahmengaléi.

Yakobus 4:6

Taan ung kamang méitambér-Napé' um wangko' taan niana péléng. Niitumo, witu um Pinantik Lenas é méipantik in téntii, “Si Opo Empung é makahkoro' wo sé tou loozan, taan rumaraaté sé tou roros até.”