Matius 6:4 - Taaz Weru Witu u Nunuwu'en Tombulu

⁴ Sa méhé a sasawang én ipahwuni-wunila, si Ama' niou si mahileké an ipahwuni-wuni itii é méhé um wawaér wia ni kamu.”

Matius 6:4 Iomraidhean Croise

Matius 10:42

Séi uman si méhéma un elepen, zozo' in zano zaté uman wia si esaané im wia sé tou kanaramen kenu pahpaan sia mahkii-kiit ni Aku, uli-ulit ikua-Kuma: Ni sia én zéi'kan kaliongan um wawaér wia ni sia!”

Matius 6:18

wo zéi'kan kata'uan né tou i ni kamu é mahpuasa, taan akaz uman si Ama' niou si witi tampa méikawuni si mahileké. Ni Sia si mahileké a méikawuni é méhémé um wawaér wia ni kamu.”

Matius 6:3

Taan sa ni kamu méhéla a sasawang, tia' wo um winangunla u lengen kakan éng kata'uan u lengen kawihi.

Matius 6:6

Taan sa ni kamu mengaléi, muntepla witi penenekelan niou, likepé um pepenet wo mengaléila wia si Ama' niou si witi tampa méikawuni. Karia in téntu, si Ama' niou si mahileké a méikawuni é méhé um wawaér wia ni kamu.

Lukas 14:14

Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”

Lukas 8:17

Pahpaan zéi'kan siapa a méikawuni an zéi'kan maipapailek wo zéi'kan siapa a méiwuni an zéi'kan makata'uan wo maiwoka'.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.