Matius 6:3 - Taaz Weru Witu u Nunuwu'en Tombulu

³ Taan sa ni kamu méhéla a sasawang, tia' wo um winangunla u lengen kakan éng kata'uan u lengen kawihi.

Matius 6:3 Iomraidhean Croise

Matius 12:19

Ni Sia én zéi'kan mangé mahzéi-zéi'an karia né tou walina kaapa mengéré-ngérét sé tou, wo sé tou wana a lalan kangkasii én zéi'kan tumalinga an ipahnuwu'-Na, i ni Sia mahnuwu' wana a lalan.

Matius 6:2

Niitumo, sa ni kamu méhé a sasawang wia sé tou zéi'kan siapa apa, tia'mo ipahwowoka' niou tanu am pahwangunen né tou mahgau-gau lé'os im wana am walé peraragésan né tou Yahudi kaapa wana a lalan, i mekilooz. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 6:4

Sa méhé a sasawang én ipahwuni-wunila, si Ama' niou si mahileké an ipahwuni-wuni itii é méhé um wawaér wia ni kamu.”

Matius 8:4

Ang kuan ni Yesus wia si tou itii, “Gena-genangen, tia' ipahkukuamu wia si séi uman kura ni ko i nimalé'osa, taan mangémo, papailekla un toumu wia si walian i ni ko é lé'oso. Wo iwéhéla u raragés tanu u méiperénta ni Musa, un tumuzu'mé wia ni séra i ni ko é lé'oso.”

Matius 9:30

In toro niitukan ni séra én toromo mahilek. A séra totoz kuaala ni Yesus, “Tia' ipahkukua niou wia si séi uman tumoro u nimamualima kenu.”

Markus 1:44

“Gena-genangen! Tia'mo ipengua-ngua wia si séi uman u nimamuali wia ni ko. Taan mangémo wia si walian, papailekla un toumu wia ni sia wo iwéhéla u raragésmu tanu u méiperénta ni Musa, un tumuzu'mé wia ni séra i ni ko én uli-ulit lé'oso.”

Yohanes 7:4

Pahpaan zéi'kan siapa zozo' in esa si mahwuni am winangunna sa sia paaz ing kata'uan né tou. Sa Ko manguna an tanu niitu, péléng sé tou wia ung kaayahan é mata'u tumoro ni Ko.”