Matius 6:25 - Taaz Weru Witu u Nunuwu'en Tombulu

²⁵ “Niitumo ikua-Kuma wia ni kamu: Tia'mo ikaarét ung katou-touan niou, tumoro ung kanen kaapa un elepen niou wo tia' kangkasii ikaarét un awak niou, tumoro ang karaien niou. Zéi'kankuaa ung katou-touampé' un ipahpuu-puuna taan ung kakanen, wo un awakpé' un ipahpuu-puuna taan ung karai?

Matius 6:25 Iomraidhean Croise

Matius 10:19

Sa kamu iayo nérala, tia'mo ikaarét niou tumoro kura wo apa a léwo'zéi' in ikua niou. Pahpaan in toro niitukan niana péléng én itambér wia ni kamu.

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 6:31

Pahpaano niitu, tia'mo kamu maarét wo mahkua, ‘Apa ung kanenta?’ kaapa ‘Apa un elepenta?’ kaapa, ‘Apa ung karaienta?’

Matius 6:34

Pahpaano niitu, tia'mo ikaarét niou tumoro u mamuali i sando, pahpaan i sando ém wéwéhan ung kasusaana in esa. Ung kasusaan in endo kenu én tia'mo pengawe-ngawesen.”

Markus 13:11

Sa kamu tionana an iayola, tia'mo ikaarét niou tumoro apa u léwo'zéi' in ikua niou. Taan in toro niitukan, ikuamola a méitambéré ni Roh Lenas wia ni kamu, pahpaan zéi'kan kamu sé mahnuwu' taan si Roh Lenas si mahnuwu'.

Markus 4:19

a méyé um paharétan tumoro ung katou-touan néra wo an eenou towo ung kawa'ilanan wo ang kapaaz walina. Niitu u nimangun u Nuwu' ni Opo Empung zéi'kan siapa torona im wia ni séra, makaz u Nuwu' itii zéi'kan nimua' witu un até néra.

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Lukas 8:14

A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

1 Korintus 7:32

Ung kapaazku, ni kamu én zéi'kan siapa an ikaarét. Si tuama zéi'kan siapa mahayo, um pegena-genangenna um pahpaayangen wia si Mahpiara, pahpaan u lelona é mangun si Mahpiara i mahpaa-paaz.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

2 Timutius 2:4

Si suraro karegas i mahpaayang én zéi'kan megena-genang am pemandungenna walina. Karia in téntu ni sia éng kapaaz ni tonaasna.

1 Petrus 5:7

Iayola wia ni Sia péléng an ikaarét niou, pahpaan ni Sia én totoz mahwéhé genang wia ni kamu.