Matius 6:2 - Taaz Weru Witu u Nunuwu'en Tombulu

² Niitumo, sa ni kamu méhé a sasawang wia sé tou zéi'kan siapa apa, tia'mo ipahwowoka' niou tanu am pahwangunen né tou mahgau-gau lé'os im wana am walé peraragésan né tou Yahudi kaapa wana a lalan, i mekilooz. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 6:2 Iomraidhean Croise

Matius 15:7

É kamu in tou mahgau-gau lé'os! Ulito u méikua ni Opo Empung tumoro ni kamu mengiité si nabi Yesaya in téntii,

Matius 16:3

Wo im woondo, ileken nioua u langit é rimangdang a marimbengbenga, kuan niouo: In tarékan é muzan. Ni kamu é mata'u i mahtotoz un endo taan ni kamu én zéi'kan mata'u tumotoz am pahwangunen ni Opo Empung in tarékan.

Matius 22:18

Taan kata'uan ni Yesus ung kaléwo'an néra, ang kumuama, “É tou mahgau-gau lé'os, kaa kamu mema'wa' ni Aku?

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Matius 23:6

Ni séra ém paaz merurumez wana a rurumezan witi totoz puuna im wana am pahpéstaan wo wana am walé peraragésan né tou Yahudi.

Matius 24:51

si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 5:18

Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:3

Taan sa ni kamu méhéla a sasawang, tia' wo um winangunla u lengen kakan éng kata'uan u lengen kawihi.

Matius 6:5

“Sa ni kamu mengaléi én tia' tanu sé tou mahgau-gau lé'os i mengaléi. Ni séra sa mengaléi én totoz paaz mererendai witu un untep am walé peraragésan né tou Yahudi wo wana ang kaéngkolan a lalan, wo séra pahilekené né tou. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Matius 7:5

É tou mahgau-gau lé'os! Éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.

Markus 12:39

Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan.

Markus 7:6

A séra wingkotela ni Yesus, “Ulito u méikua ni Opo Empung mengiité si Yesaya tumoro ni kamu, é tou mahgau-gau lé'os! Wéwéhan u méipantik in téntii, ‘Sé tahsasana wanua kenu é mahlooz ni Aku karia a sumah néra, taan an até néra én zou' im wia ni Aku.

Lukas 11:41

Pahpaano niitu, am witu um pengengelepan wo am witu ung kakanan niou én iwéhéla wia sé tou zéi'kan siapa apa. Wéhanla wana an anu niou sé tou zéi'kan siapa apa. Niitumo u mangun un tou wo un até niou uli-ulit weresi.

Lukas 11:43

Ikaléwo'mo ni kamu sé sana réwok tou Farisi! Pahpaan totoz kapaaz niou i merurumez wana a rurumezan witi totoz puuna im wana am walé peraragésan né tou Yahudi wo paaz pahsigi'en né tou wana am pasar.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 12:56

É kamu in tou mahgau-gau lé'os! A mahmuali wia ung kaayahan wo witi langit én toro kata'uan niou ung kalakoana. Kaa zéi'kan kata'uan niou ung kalakoan a mahmuali in tarékan am pahpaayangen ni Opo Empung?”

Lukas 13:15

Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou.

Lukas 20:46

“Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en im wana am pasar. Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan.

Lukas 6:24

Taan ikaléwo'la ni kamu sé in tarékan tou wa'ilan, pahpaan ni kamu é nimahpaa-paazola witu ung kawa'ilanan niou.

Lukas 6:42

Kura ko toro kumua wia si katuarimu, ‘Wia'i, éndongkumokan un emu' witu um werenmu, taan u salawako witu um werenmu én zéi'kan kailekannu?’ É tou mahgau-gau lé'os, éndompé'la u salawako witu um werenmu, wo taré kaile-ilekannu un emu' witu um weren ni katuarimu wo niitu taré éndonnu.”

Yohanes 13:29

Pahpaan si Yudas si mahlé'os an zoit, niitumo wéwéhan sé mahgenangla i ni sia é méiatu ni Yesus i matumeles am pemandungen witu um pésta itii kaapa i méhé zoit wia sé tou zéi'kan siapa apa.

Yohanes 5:41

Ni Aku én zéi'kan menéro u sisigi'an né tou.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Kisah Rasul-rasul 10:2

Ni sia é mahtali-talinga wia si Opo Empung. Ni sia wo sé sana awuna é maindé' si Opo Empung. Lakez a sasawang ipahwéhéna wia sé tou Yahudi, wo kangkasii sekezé é mahmengaléi wia si Opo Empung.

Kisah Rasul-rasul 10:31

A sia kumuamé in téntii wia ni aku, ‘Kornelius, am pengaléiennu én tinalingamoma ni Opo Empung wo an ipahwéhému wia sé tou éng ginenang-Namo.

Kisah Rasul-rasul 10:4

A si Kornelius merena wia si malaekat itii wo karia in totoz maindé' sia kumuama, “Apa wé, Tuang?” A mingkoté si malaekat itii wia ni sia, “Am pengaléiennu wo a méipahwéhému é sinungkuloma ni Opo Empung, wo ni Sia é megenang ni ko.

Kisah Rasul-rasul 11:29

Tumalingamé niitu, sé tou ma'éman si Yesus én timotozla i ruméwok a sasawang mengiit ung kawawaan ni esa wo ni esa im pahalin wia sé katuari esa pa'émanen sé mahento' witi tana' Yudea.

Kisah Rasul-rasul 24:17

Im woopirana ta'uno nimahento'mé witi wanua walina, a ni aku mawurimé sumaup witi Yerusalem. Ni aku i niméyé é nimahalimé a sasawang wia sé tahsasana wanuaku wo kasii i méhé a raragés wia si Opo Empung.

Kisah Rasul-rasul 9:36

Im witi Yope, wéwéhan si wéwéné ma'éman si Yesus makangaran Tabita. (Im witu u nunuwu'en Yunani u ngaranna én Dorkas). Ni sia é makalakez mahwangun a lé'os wo meméméhé a sasawang.

Roma 12:8

Sa un tatambér ni Opo Empung é mahenté' un até, wangunenola niitu in uli-ulit mahenté' un até né tou walina. Sa un tatambér ni Opo Empung é mahwéhé wia sé tou walina, wangunenola niitu karia i mahpaa-paaz. Sa un tatambér ni Opo Empung é maéndo tonaas, uli-ulit wangunela niitu. Sa un tatambér ni Opo Empung é rumaraaté sé tou walina, wangunela niitu karia i mahpaa-paaz.

1 Korintus 13:3

Zozo' péléng an anuku ipeméténgkula wia sé tou zéi'kan siapa apa, wo zozo' un awakku iwéhéla i la'ungen, taan sa ni aku zéi'kan rumaraaté sé tou walina, péléng niana én zéi'kan siapa torona.

Galatia 2:10

Um pahaléien néra uman wia ni kai i mahwéhé genang wia sé tou zéi'kan siapa apa. Niitumo un totoz kapaazku im wangunen.

Efesus 4:28

Si maremu', tia'mo sia meremu-remu'pé', taan tawimo sia ma'ulitla i mahpaayang wo mahpaayang uman am wangun wo sia toro sumawang sé tou zéi'kan wutul am pemandungen néra.

1 Tesalonika 2:6

Ni kai kasii én zéi'kan kawisa i menéro u lolooz né tou, im wia ni kamu kaapa im wia sé tou walina. Un ulitna, in aatu ni Yesus Kristus, ni kai én toro mahaléi apa uman wia ni kamu, taan ni kai é soo un téntu.

1 Timutius 6:18

Ipapagenangla wia ni séra wo séra mahwangunla am wangun, mawa'ilan wana am wangun, paaz mahsawang wo paaz mahtambér.

Filemon 1:7

Filemon katuariku, u raraatéannu é nimangun ni aku mahpaa-paaz wo nimenté' un atéku pahpaan un até né tou ni Opo Empung ém winangunmumola mahpaa-paaz.

Ibrani 13:16

Tia' kamu maliuz i mangun a lé'os wo mahsawangla wia sé léwo'zéi' i sawangan, pahpaan am wangun pahlé'osenta wo a sasawangta wia sé tou é raragésta wia si Opo Empung. Si Opo Empung én totoz paaz a raragés tanu niitu.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.