Matius 6:13 - Taaz Weru Witu u Nunuwu'en Tombulu

¹³ wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Matius 6:13 Iomraidhean Croise

Matius 26:41

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Matius 5:37

Sa éné éng kumuala éné, sa zéi'kan éng kumuala zéi'kan. Taan a lumouspé'mé niitu ém wia si tonaas né sétang a méyé.”

Matius 6:10

ung Kakolanoan-Nu é méyé, um paaz-Mu é mamuali wia ung kaayahan wo witi kasendukan.

Yohanes 17:15

Ni Aku zéi'kan mahaléi, wo séra éndona ni Ama' im wia ung kaayahan kenu, taan wo séra téizan ni Ama' im wia si tonaas né sétang.

1 Korintus 10:13

Ni kamu ém pahwa'wa'en karia am pema'wa'en ang kinanaram im pahpendanen né tou, un toro pengalin niou. Pahpaan si Opo Empung zéi'kan maliuz wana a méitaaz-Na, niitumo zéi'kan iwaya-Na ni kamu im pema'wa'en karia am pema'wa'en an zéi'kan kawawaan niou. Sekez kamu i mahsaru am pema'wa'en, si Opo Empung é méhé lalan wia ni kamu makaz ni kamu makawawa i mahsaru am pema'wa'en itii.

1 Korintus 14:16

Pahpaan, sa si rohmu kumua u makasé wia si Opo Empung karia u nunuwu'en un akaz uman si Roh Lenas si mata'u, un zéi'kan kata'uan ni tou mahtalinga niitu, kura si tou itii toro kumua ‘amin’?

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

Galatia 1:4

Karia um paaz ni Opo Empung si Ama'ta, si Yesus Kristus nimayo un tou-Na in tumubus ni kita im wana a singkéla' pahwangunenta wo milot ni kita im wia ung kaayahan léwo' kenu in tarékan.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

2 Tesalonika 3:3

Taan si Mahpiara én zéi'kan maliuz wana a méitaaz-Na. Ni Sia é menté' an até niou wo kumelung ni kamu im wia si léwo'.

1 Timutius 1:17

U looz wo u sigi' wangko' makaz ing kauré-uré wia si Opo Empung laléi, si Kolano makaz ing kauré-uré, si zéi'kan pahileken wo si esa uman! Amin.

Ibrani 11:36

Wéwéhan kasii sé pahséro'an wo pa'uliten im pahsaboken, niapus karia u ranté wo méiuntep bui.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

Wahyu 1:18

wo Si Menou-nou. Ni Aku é nimatémoma, taan ilekené, ni Aku é Menou-nou makaz ing kauré-uré wo ni Aku si timion péléng ang kusi' um patéan wo um pahwéha-wéhan né tou nimatémo.

Wahyu 19:1

Kumawusa niitu, an talingangkumé u nuwu' totoz rimez tanu u nuwu' né tou totoz lakez witi kasendukan, mahkuamé, “Haleluya! Si Opo Empungta uman si milot sé tou im witu un ukuman wana a singkéla', si pahsigi'en wo pahloozen, wo si mahkawasa.

Wahyu 19:4

Ang kumuruzla sé zuana pulu' wo epat pahtutu'an wo sé epat tumou-tou itii wo mahsigi' si Opo Empung si rimumez witu u rurumezan-Na ing Kolano. Ang kuan néra, “Amin! Haleluya!”

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 21:4

Péléng a lué' néra é maisu'en-Na im wana am weren néra. Zéi'mo siapa si maté, zéi'mo siapa si mahpengasi', kaapa mahamé' karia i mahkérét, kaapa mendan u rumara un até. Pahpaan péléng an urémo itii é limangkoioma.”

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.

Wahyu 3:14

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Laodikia in téntii: ‘Kenumo a Nuwu' am wia Si Amin, Si toro pa'émanen wo ulit i mahkua ang kata'uan-Na tumoro u Nuwu' ni Opo Empung, wo péléng am winangun ni Opo Empung ém wia ni Sia a méyé.

Wahyu 5:13

An talingangkumé péléng sé tumou-tou witi kasendukan, wia ung kaayahan, witi lalem un tana', witi tasik wo péléng sé witu é mahkua, “Wia ni Sia si rimumez witu u rurumezan-Na ing Kolano wo wia si Anak ni Domba, u lolooz, u sisigi'an, ung kawangko'an wo ung kawasa makaz ing kauré-uré!”