Matius 6:12 - Taaz Weru Witu u Nunuwu'en Tombulu

¹² wo ampungané ni kai im wana ang kasumalaan nai tanu ni kai kangkasii i niméhéla un ampungan wia sé tou nimangunla ang kasumalaan wia ni kai;

Matius 6:12 Iomraidhean Croise

Matius 26:28

Pahpaan ung kenumo un zaha'-Ku, un zaha' nimenté' um pinataazan ni Opo Empung, un isaroi wia sé tou lakez i méhé un ampungan wana a singkéla' néra.

Matius 9:2

Sé woopira tou nimahwalimé wia si Yesus si tou lailai si méikolo' witu um wuwuléngan. I si Yesus nimilek um pa'émanen néra wia ni Sia, ang kuan-Na wia si tou lailai itii, “É oki'-Ku, enté'ela un atému! A singkéla'mu é niampungano.”

Markus 11:25

Sa kamu rimendai i mengaléi, ampungampé'la si tou si simala'la wia ni kamu, wo si Ama' niou si witi kasendukan é méhé un ampungan wana ang kasumalaan niou.” [

Lukas 11:4

Ampungané ni kai im wana a singkéla' nai, pahpaan ni kai kangkasii é niméhémola un ampungan wia sé tou simala'la wia ni kai. Wo tia'mo ni kai ipahwali witu um pema'waan.”

Lukas 13:4

Kaapa pahgenangen nioula sé mapulu' wo walu tou, sé nimaté ing kinaempisan u menara witi rété u Siloam, a singkéla' nérapé' u lakez taan a singkéla' péléng né tou sé mahento' witi Yerusalem?

Lukas 6:37

Ang kuan kasii ni Yesus, “Ni kamu én tia' mahtotoz ulit kaapa zéi'kan am pahwangunen né tou walina, wo kamu zéi'kan totozen ni Opo Empung wana am pinahwangun nioué. Ni kamu én tia' mapahsasala' sé tou wo ni kamu kangkasii én zéi'kan pahsasala'en ni Opo Empung. Ampungala ang kasumalaan né tou wia ni kamu, wo ang kasumalaan niou ampungan ni Opo Empung.

Kisah Rasul-rasul 13:38

Niitumo katuari-katuari, kata'uan nioula im pahpaano ni Sia, ni kamu é nimakaileko um wowoka' tumoro un ampungan wana a singkéla' niou. Wo un ukum Torat én zéi'kan mata'u mangun ni kamu niéndo ulit.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.