Matius 6:1 - Taaz Weru Witu u Nunuwu'en Tombulu

¹ Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Matius 6:1 Iomraidhean Croise

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 16:6

Kuan ni Yesus wia ni séra, “Tuméga-tégam wo mile-ilek im wana a ragi né sana réwok tou Farisi wo Saduki.”

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Matius 25:40

Si Kolano itii é mingkot wia ni séra in téntii, ‘Uli-ulit ikua-Kuma wia ni kamu, péléng am winangun niouola wia si esaané im wia sé katuari-Ku sé totoz roros kenu, niitu ém winangun niouola wia ni Aku.’

Matius 5:16

Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:9

Pahpaano niitu, sa kamu mengaléi, mengaléiola tanu ang kenu, Ama' nai witi kasendukan, u ngaran-Mu é lenasen,

Markus 8:15

A si Yesus mapagenangla wia ni séra, “Ni kamu én totoz in tuméga-tégam wo mile-ilek im wana a ragi né sana réwok tou Farisi wo ni kolano Herodes.”

Lukas 11:35

Niitumo, wéhanla genang, un ayah wiamo ni kamu én tia' marimbengbeng.

Lukas 12:1

In toro niitu én totoz lakez sé tou nimaréwok makaz ni séra é mahsésé'-sé'an, a si Yesus mahtuzu' kimataréma wia sé pahtuzu'en-Na, kuan-Na, “Ni kamu é mile-ilek im witu u ragi né sana réwok tou Farisi sé mahgau-gau lé'os.

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Yohanes 12:43

Pahpaan u lolooz né toupé' ung kapaaz néra taan u lolooz ni Opo Empung.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Kisah Rasul-rasul 3:12

I si Petrus nimileka sé tou lakez itii, a sia kumuala wia ni séra, “É kamu in tou Israel, kaa kamu mengompo' i nimileka un taré mamualima kenu? Kaa kamu mengile-ngileké wia ni kai tanumokan ni kai sé nimangun ni sia in toromo mahlampang pahpaan ung kawasa kaapa pahpaan ni kai sekezé é mahwangun ung kapaaz ni Opo Empung?

Galatia 6:12

Sé tou Yahudi sé paaz mapahlolooz un tou néra wana an toro pahileken né tou, ni séramo sé mahtututu' mahlusu ni kamu i sunaten. Ung kalakoan néra i nimangun niitu, wo séra zéi'kan makailek an zézéha i ma'éman si Kristus nimaté sinalip.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Ibrani 6:10

Pahpaan si Opo Empung én zéi'kan mahsanaweka, niitumo ni Sia én zéi'kan maliuz am pahpaayangen niou wo u raraatéan niou wia ni Sia u méipapailek niou karia i mahsawang sé tou-Na. Niitu ém pinahwangun niouomé rengané im puuna makaz in tarékan.

2 Yohanes 1:8

Niitumo tuméga-tégamla, én taa um pa'émanen niou wia si Yesus Kristus um pinaayang naimo im puuna én ikaliong, wo péléng um wawaér wia ni kamu én toro kailekan niou.