Matius 5:9 - Taaz Weru Witu u Nunuwu'en Tombulu

⁹ Mahpaa-paazola sé tou sé mahalimé u mahlé'o-lé'osan, pahpaan ni séra éng kuan in oki' ni Opo Empung.

Matius 5:9 Iomraidhean Croise

Matius 5:45

Pahpaan karia in téntu, ni kamu é nimaéndomola oki' ni Ama' niou si witi kasendukan, si mahserité u sena' ni endo wia sé tou lé'os wo wia sé tou léwo', wo mahtumpamé un uzan wia sé tou ulit witu u sinaru-Na wo wia sé tou zéi'kan ulit witu u sinaru-Na.

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Lukas 20:36

Ni séra én zéi'mo maté sumaup pahpaan ni séra én tanumo sé malaekat wo nimaéndomo oki' ni Opo Empung pahpaan ni séra é méitoumo sumaup ni Opo Empung.

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

Kisah Rasul-rasul 7:26

Masandomé, sia milek kasiila sé tou Israel zua mahkoro'. A sia mahtututu' mangun ni séra zua i masungkulan, kuana, ‘É katuari! Kata'uangku ni kamu é mahtuari, kaa kamu mahkoro'?’

Roma 12:18

Wia ni kamu, sa toro mahtututu'la i menou-nou mahlé'o-lé'osan karia péléng sé tou.

Roma 8:14

Péléng sé tou pahahkiten ni Roh ni Opo Empung én oki' ni Opo Empung.

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

Roma 8:19

Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

1 Korintus 6:6

Kaa kamu in tou esa pa'émanen é mahéndo-éndoan karia ni kasuat tou esa pa'émanen wo mamenéro si tou zéi'kan ma'éman in tumotoz, séi si ulit kaapa zéi'kan wana am pahéndo-éndoan niou itii?

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

2 Korintus 5:20

Niitumo, ni kaimo sé méiatu ni Kristus i mahtuzu' un tumoro ni Sia. Mengiité ni kai si Opo Empung mahsésa wia ni kamu. Karia u ngaran ni Kristus, ni kai mahaléi wia ni kamu: Iwéhéla un tou niou i mawurian sumaup karia ni Opo Empung.

Galatia 5:22

Taan sé tou mahkiit um paaz ni Roh Lenas é mahwangun ang kenu: rumaraaté, mahpaa-paaz, mahlé'o-lé'osan, ezen, lé'os uman, paaz mahsawang si kasuat tou, enté' witu um pa'émanen,

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Filipi 4:2

Ni aku é sumésama wia si Euodia wo si Sintikhe. Pahaléiengku wo ni kamu zua én esa genang wo malé'osala sumaup in tou ma'éman.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.