Matius 5:4 - Taaz Weru Witu u Nunuwu'en Tombulu

⁴ Mahpaa-paazola sé tou mahpengasi', pahpaan un até néra é maenté'en.

Matius 5:4 Iomraidhean Croise

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 6:21

Mahpaa-paazola, é ni kamu sé in tarékan maharem, pahpaan ni kamu ém pakawesun. Mahpaa-paazola, é ni kamu sé in tarékan mahamé', pahpaan ni kamu éng kumé'ké'.

Lukas 6:25

Ikaléwo'la ni kamu sé in tarékan ém wesuh, pahpaan ni kamu é mamaharem. Ikaléwo'la ni kamu sé in tarékan mahké'ké' pahpaan un até niou é masusa wo mamamé'.

Lukas 7:38

a sia rumendaila witu muri, rété un a'é ni Yesus. Ni sia é mahamé' wo u lué'na é mahtihisa witu un a'é ni Yesus, am pahpéhosenama karia um wuukna wo niitu maperama. Tumondong niitu pahsiomenna un a'é ni Yesus, am wuwu'annama karia u lana mahwou tariis.

Lukas 7:50

Taan kuan ni Yesus wia si wéwéné itii, “Um pa'émanennu u nimilot ni ko im witu u siningkéla'mu, mangémo karia ung kaluasan witu un até!”

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Wahyu 21:4

Péléng a lué' néra é maisu'en-Na im wana am weren néra. Zéi'mo siapa si maté, zéi'mo siapa si mahpengasi', kaapa mahamé' karia i mahkérét, kaapa mendan u rumara un até. Pahpaan péléng an urémo itii é limangkoioma.”