Matius 5:3 - Taaz Weru Witu u Nunuwu'en Tombulu

³ “Mahpaa-paazola sé tou zéi'kan siapa apa wo niméré' uman wia si Opo Empung, pahpaan ni séramo sé makaanu ung Kakolanoan ni Opo Empung.

Matius 5:3 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 11:6

Mahpaa-paazola sé tou simungkul ni Aku.”

Matius 13:16

Taan ni kamu é mahpaa-paazola pahpaan am weren niou én toro mahilek wo a lunteng niou én toro mahtalinga makaz ni kamu toro makatulap.

Matius 19:14

Taan kuan ni Yesus wia sé pahtuzu'en-Na, “Iwayamola sé koki' itii i méyé wia ni Aku! Tia' pahséro'en niou séra, pahpaan sé tou tanu sé koki' kenumo sé makaanu ung Kakolanoan ni Opo Empung.”

Matius 24:46

Mahpaa-paazla si ata si méileken ni tuangna i nimawurimé, mahpaayang am paayangenna.

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 8:11

Ikua-Kuma wia ni kamu: Lakez sé tou witi sendangan wo talikuzan é méyé wo kuman mahwali-wali karia ni Abraham, ni Ishak wo ni Yakub witi Kakolanoan ni Opo Empung.

Markus 10:14

Kaiileka niitu, si Yesus é maupi' ang kumua wia ni séra, “Iwayamola sé koki' itii i méyé wia ni Aku, tia' pahséro'en niou séra. Pahpaan sé tou tanu sé koki' kenumo sé makaanu ung Kakolanoan ni Opo Empung.

Lukas 11:28

Taan kuan ni Yesus, “Si mahpaa-paaz é si tou mahtalinga wo mahwangun u Nuwu' ni Opo Empung.”

Lukas 18:14

Ikua-Kuma wia ni kamu, si menanagi am pajak kenu i mawurima witi waléna é niéndo ulit ni Opo Empung, taan si tou Farisi itii én zéi'kan. Pahpaan, séi uman si mahlooz un touna, ni sia én iroros ni Opo Empung wo séi uman si meroros un touna, ni sia é loozen ni Opo Empung.”

Lukas 22:29

Niitumo ni kamu ém wéhang-Ku ung kakolanoan tanu si Ama'-Ku niméhé ung kakolanoan wia ni Aku.

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Yohanes 20:29

Kuan ni Yesus wia ni sia, “Pahpaan ni ko nimilekomé ni Aku, niitumo ni ko ma'éman. Mahpaa-paazla sé tou zéi'kan nimilek taan ma'éman.”

Yakobus 1:10

wo si tou wa'ilan é léwo'zéi' i mahpaa-paaz kangkasii sa sia iperorosla ni Opo Empung. Ni sia é mazéi' tanu am wungana an zukut u rewek uman maweles.

Yakobus 1:12

Mahpaa-paazola si tou ezen im wana am pema'wa'en, pahpaan sa sia ezen, ni sia é makailek ung kukulu, ung katou-touan makaz ing kauré-uré u mémoitaaz ni Opo Empung wia sé tou rumaraaté ni Sia.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.

Wahyu 3:17

Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.