Matius 5:25 - Taaz Weru Witu u Nunuwu'en Tombulu

²⁵ Sa wéwéhan si nimasingkutan kariamu, malé'osanola i ni kamu zéi'kampé' taré méikaayoma wia si menonotoz ulit kaapa zéi'kan am pahwangunen né tou. Wo ni ko zéi'kan iayona wia si menonotoz itii, wo si menonotoz itii zéi'kan mayo ni ko wia sé suraro mahtéiz wia ni sia, wo ni ko zéi'kan iuntep né suraro itii witi bui.

Matius 5:25 Iomraidhean Croise

Matius 26:58

Karegas niitu, si Petrus é mengii-ngiité si Yesus witi zou'ma makaz witi lésaz um walé ni Walian Wangko'. I ni sia nimuntepola witu u lésaz itii, ni sia é marimumez karia né menénéiz um walé ni Opo Empung i mahiilek kura u mamuali wia si Yesus.

Lukas 18:3

Witu um wanua tua'na itii kangkasii ém wéwéhan si wéwéné mahesa-esamokan si wéwéhan um pahéndo-éndoan. Wo ni sia sekezé é méyé wia si menonotoz itii i mekisawang wo mahkua: Sawangampé'mé ni aku wo ni aku muntung i sumaru si pahsarungku.

2 Korintus 6:2

Pahpaan witu um Pinantik Lenas si Opo Empung éng kimua in téntii, “Im witu un oras kapaaz-Ku, ni Aku én timalinga ni ko, wo im witu un endo ni Aku i milot sé tou im witu un ukuman wana a singkéla', ni Aku é sumawang ni ko.” Totoz wéhanla genang, in tarékano un oras kapaaz-Ku. In tarékano un endo si Opo Empung i milot sé tou im witu un ukuman wana a singkéla'.

Ibrani 12:17

Kata'uan niouo u nimamuali tumondong niitu, i ni sia paazkan makailek ung kamang itii, taan si ama'na é soomo méhé niitu. Ni sia én zéi'mo winéhan témpo ni ama'na i mahwawangun ung kasumalaanna zozo' ni sia mahamé' i makailek sumaup ung kamang itii.

Ibrani 3:13

Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.

Ibrani 3:7

Niitumo, tanu u méikua ni Roh ni Opo Empung witu um Pinantik Lenas, “In endo kenu, sa kamu tumalinga un ipahkua ni Opo Empung,