Matius 5:16 - Taaz Weru Witu u Nunuwu'en Tombulu

¹⁶ Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Matius 5:16 Iomraidhean Croise

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Matius 23:9

Tia' kamu mahtawah si séi uman in ‘ama'’ im wia ung kaayahan, pahpaan si Ama' niou én esa uman, ni Siamo si Ama' witi kasendukan.

Matius 5:45

Pahpaan karia in téntu, ni kamu é nimaéndomola oki' ni Ama' niou si witi kasendukan, si mahserité u sena' ni endo wia sé tou lé'os wo wia sé tou léwo', wo mahtumpamé un uzan wia sé tou ulit witu u sinaru-Na wo wia sé tou zéi'kan ulit witu u sinaru-Na.

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Matius 6:9

Pahpaano niitu, sa kamu mengaléi, mengaléiola tanu ang kenu, Ama' nai witi kasendukan, u ngaran-Mu é lenasen,

Matius 9:8

I nimilekla niitu, sé tou lakez itii maindé', a mahlooz si Opo Empung si niméhémomé ung kawasa tanu niitu wia sé tou.

Lukas 11:2

A séra wingkotela ni Yesus, kuan-Na, “Sa kamu mengaléi, téntii un ikua nioula, Ama', u ngaran-Mu é lenasen. Ung Kakolanoan-Nu é méyé.

Yohanes 15:8

Sa am pahwua' nioué é lakez, si Ama'-Ku ém pahloozen wo pahsigi'en, wo karia in téntu ni kamu én uli-ulit maéndo pahtuzu'eng-Ku.”

Kisah Rasul-rasul 9:36

Im witi Yope, wéwéhan si wéwéné ma'éman si Yesus makangaran Tabita. (Im witu u nunuwu'en Yunani u ngaranna én Dorkas). Ni sia é makalakez mahwangun a lé'os wo meméméhé a sasawang.

1 Korintus 14:25

Wo péléng a méikawuni witu un aténa é makata'uanna. Niitumo sia kumuruzla a mongkot wo mahsigi' si Opo Empung ang kumua, “Totoz ulit, si Opo Empung ém witu un unez niou.”

2 Korintus 9:13

I sé katuarita nimakailekla an zoit sasawang itii, ni séra é mahlooz wo mahsigi' si Opo Empung, un tumuzu'mé i ni kamu én uli-ulit kimiit wo ma'éman u Nuwu' Lé'os tumoro si Kristus. Ni séra é mahlooz wo mahsigi' si Opo Empung pahpaan i niilek nérala ni kamu é meripu' umané i mahwéhé a sasawang wia ni séra wo wia péléng sé tou.

Galatia 1:24

A séra mahlooz wo mahsigi' si Opo Empung pahpaan um winangun ni Opo Empung wia ni aku.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

Efesus 5:8

Im puuna ni kamu én zéi'kan mahkiit um paaz ni Opo Empung, ni kamu én tanu menou-nou witu ung karimbengbengan. Taan in tarékan, ni kamu é nimaesamo karia ni Opo Empung, niitumo ni kamu é menou-noula witu un ayah.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

1 Timutius 2:10

Taan tawimo sé wéwéné itii mahwawangunla un tou néra karia i mahwangun am wangun. Téntu um wangun im pahwangunen né wéwéné sé uli-ulit mahragés wia si Opo Empung.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

1 Timutius 5:25

Téntu kangkasii si tou mangunla a lé'os, am winangunna itii é rengan ing kailekan. Wo zozo' a lé'os am pinahwanguné zéi'kan tahlous kailekan, am winanguné itii én zéi'kan mamuali im pemuni-muni.

1 Timutius 6:18

Ipapagenangla wia ni séra wo séra mahwangunla am wangun, mawa'ilan wana am wangun, paaz mahsawang wo paaz mahtambér.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Titus 2:7

wo wangunela ung katou-touannu i maéndo kékéréan wangun wia ni séra. I mahtuzu' wia sé tou, ni ko é léwo'zéi' in uli-ulit mahtuzu' wo tia' mahtowo,

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Titus 3:4

Taan i mémoikatuzu'mé u lé'os ni Opo Empung, si Milot ni kita im witu un ukuman wana a singkéla', wo u raraatéan-Na wia sé tou,

Ibrani 10:24

Méyémo kita mahwéha-wéhan genang wia si esa wo si esa, wo kita toro mahsawa-sawangan i rumaraaté sé kasuat tou wo mahwangun a lé'os.

1 Petrus 2:12

Wangu-wangunen ung katou-touan niou im witu u saru-sarun né tou zéi'kan mata'u si Opo Empung, wo zozo' ni kamu ém pahkuan né tou itii in tou léwo', taan witu un endo si Opo Empung i méyé, ni séra é malumooz wo sumigi' ni Sia, pahpaan ni séra é mahilek am pahwangunen niou an totoz wangun.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

1 Petrus 3:1

Téntu kangkasii isésakuma wia ni kamu sé wéwéné makamahayo, ni kamu é léwo'zéi' i mahtali-talinga wia si mahayo niou si esa wo si esa. Karia in téntu, sa wéwéhan si mahayo zéi'kan ma'éman, maan ni séra zéi'kan nuwu'an nioula, ni séra é ma'éman u Nuwu' ni Opo Empung pahpaan i mahileka am pahwangunen niou.

1 Petrus 3:16

wo karia ung genang lé'os. Sa um pakahwingkot niou én téntu, niitu é mangun sé tou menuwu-nuwu' a léwo'an tumoro ni kamu sé mahwangun a lé'os pahpaan i mahkiit si Kristus é maizang, pahpaan a léwo'an penuwu-nuwu'en néra itii.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.