Matius 5:15 - Taaz Weru Witu u Nunuwu'en Tombulu

¹⁵ Zéi'kan siapa tou tumutungla u solo ang keleuala karia un tampayang. Taan u solo itii én izeta'na witu um penono'tolan u solo, wo toro sumena' wia péléng sé tou witu un untep um walé itii.

Matius 5:15 Iomraidhean Croise

Markus 4:21

Ang kuan ni Yesus kasii wia ni séra, “Wéwéhan wé si tou tumutungla u solo wo keleuannala karia un tampayang kaapa izeta'nala witu u lalem un tetekelan? Zéi'kankuaa niitu én izeta'na witu um penono'tolan u solo?

Lukas 11:33

Si Yesus kimua un aandéan in téntii, “Zéi'kan siapa tou tumutungla u solo wo maizeta'na witi tampa méikawuni kaapa keleuanna karia un tampayang, taan u solo itii é maizeta'na witu um penono'tolan u solo wo sé tou mahuntepa witu um walé én toro milek u sena'na.

Lukas 11:36

Sa péléng ung katou-touannu én ayah wo zéi'kan siapa u rimbengbeng, péléng ung katou-touannu itii én ayah, tanu u sena'na u solo i sumena'ma wia ni ko.”

Lukas 8:16

Ang kuan ni Yesus, “Zéi'kan siapa tou tumutungla u solo wo niitu keleuannala karia un tampayang kaapa iwéhéna witu lalem ung kokolo'an. Taan u solo itii én izeta'na witu um penono'tolan u solo wo péléng sé tou muntepa witu um walé itii én toro milek u sena'na.

Filipi 2:15

Karia i mahwangun an téntu, ni kamu é mapailek i ni kamu én oki' ni Opo Empung sé zéi'kan siapa sinala' im wia sé tou léwo' wo méikalulu. Karia menou-nou im weresi wo zéi'kan siapa a sinala', ni kamu maéndo sena' wia ni séra, tanu u sena' né tototi'en i mahsena' wia ung kaayahan.

Ibrani 9:2

Un tampa pahragésan wia si Opo Empung itii ém pahkuan Ténda ni Opo Empung, im witu un untep kataré ém wéwéhan um pahto'tolansolo wo u méja zinetaan roti ipahragés wia si Opo Empung. Niitu ém pahkuan Tampa Lenas.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.