Matius 5:1 - Taaz Weru Witu u Nunuwu'en Tombulu

¹ I si Yesus nimileka sé tou lakez itii mahkiité, a Sia sumosozla witu ung kimeleng. Kairumez-Nala, a méyé sé pahtuzu'en-Na.

Matius 5:1 Iomraidhean Croise

Matius 13:2

A mahtotondongané sé tou lakez méyé limiklik wia ni Sia, a Sia masumaké witu u londéi a rumumezla witu. Sé tou lakez é rimendai witu un tembir u louz.

Matius 15:29

In timula'umomé un tana' itii, si Yesus mahkiité un tembir u louz Galilea a sumosoza witu ung kimeleng a marumumez witu.

Matius 4:25

A sé tou lakez mahto-tondongana i mahkiit ni Sia. Ni séra ém witi Galilea, witi Dekapolis, witi Yerusalem, witi Yudea, wo witi leweta u so'so'an Yordan a méyé.

Matius 5:2

A si Yesus rengan i mahtuzu' ni séra, kuan-Na,

Markus 3:13

Kumawusa niitu, a si Yesus sumosoza witu ung kimeleng. Tawahen-Namé sé tou pinéléng-Na a séra méyé wia ni Sia.

Markus 3:20

Tumondong niitu, si Yesus muntepa witu um walé. Lakez kasii sé tou nimaréwoké, taka-takaz ni Sia wo sé pahtuzu'en-Na én zéi'mo siapa orasna ing kuman.

Markus 4:1

Makasamé, si Yesus é mahtuzu' kasii witi tembir u louz Galilea. A méyé sé tou totoz lakez nimaréwoké wia ni Sia. Niitumo ni Sia simakéma witu u londéi u simuwa' witu un tembir u louz a rumumezla witu wo sé tou lakez itii ém witi katanaan, witu un tembir u louz.

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Lukas 6:17

Kumawusa niitu si Yesus wo sé aatu-Na merosé im witi kimeleng a séra mento'la witu um patar. Im witu é nimaréwoko sé mahkiit ni Sia wo lakez sé tou walina sé witi Yudea, sé witi Yerusalem wo kangkasii sé witi Tirus wo Sidon, am wanua tembir un tasik a méyé.

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Lukas 9:28

Woo waluna endomo si Yesus ing kimuama niana, an ipahwali-Nama si Petrus, si Yohanes wo si Yakobus sumosoza mangé witi kentur i mamengaléi.

Yohanes 6:15

Kata'uan ni Yesus ni séra é mamenutu' ni Sia i maéndo kolano néra. Niitumo Sia nimangé witi kimentur mengesamé.