Matius 4:7 - Taaz Weru Witu u Nunuwu'en Tombulu

⁷ A sia wingkotela ni Yesus, “Wéwéhan kasii u méipantik in téntii, ‘Tia' ko mema'wa' si Mahpiara, si Opo Empungmu!’ ”

Matius 4:7 Iomraidhean Croise

Matius 21:16

Ang kuan néra wia si Yesus, “Pahtalinga-Numa an ipahkérét né koki' kenuma?” Ang kuan ni Yesus wia ni séra, “Éné, pahtalingang-Kumé. Zéi'kampé' pinahbaca-baca nioula wé u méipantik witu um Pinantik Lenas in téntii, ‘Wana a sumah né tou taré matoumé wo sé koki' menusupé' ni Ko én timuzu'moma a lolooz.’ ”

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 4:10

Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik, ‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”

Matius 4:4

Taan si Yesus é nimingkotla, “Witu um Pinantik Lenas méipantik in téntii, ‘Si tou menou-nou én zéi'kan uman pahpaan u roti, taan wana péléng an ipahnuwu'mé ni Opo Empung.’ ”

Lukas 4:12

A sia wingkotela ni Yesus, “Wéwéhan u méipantik, ‘Tia' ko mema'wa' si Mahpiara, si Opo Empungmu!’ ”

Kisah Rasul-rasul 15:10

Sa téntu, kaa ni kamu mema'wa' si Opo Empung karia i niméhéla um pengalin wia sé tou ma'éman itii, un zéi'kan kawawaanta wo né nimaopota?

Kisah Rasul-rasul 5:9

Ang kuan ni Petrus wia ni sia, “Kaa ko wo si mahayomu é nimaesaanola i mema'wa' si Roh ni Opo Empung? Amoké ilekenuma, sé tou sé malimewengé si mahayomu é rimendai witi loloangan wo ni séra kangkasii é masaan ni ko i mondol.”

1 Korintus 10:9

Tia' kasii kita mahwa'wa' si Kristus, tanu am pinahwanguné né woopira sé wia ni séra im puuna. Taka-takazan, ni séra nimaté pahpaan ing kiniki né ulé'.

Ibrani 3:9

Im witu sé nimaopo niou mema'wa' ni Aku karia am pema'wa'en, zozo' in epatna pulu' ta'uno, ni séra i mengile-ngilek a makakompo'en am pahwanguneng-Ku.