Matius 4:25 - Taaz Weru Witu u Nunuwu'en Tombulu

²⁵ A sé tou lakez mahto-tondongana i mahkiit ni Sia. Ni séra ém witi Galilea, witi Dekapolis, witi Yerusalem, witi Yudea, wo witi leweta u so'so'an Yordan a méyé.

Matius 4:25 Iomraidhean Croise

Matius 12:15

Taan kata'uan ni Yesus ang ginenang néra a Sia mondolé im witu. Lakez sé tou mahkiité si Yesus wo ni Sia é mahlé'os sé saki im wia ni séra.

Matius 19:2

Lakez sé tou mahtotondongané mahkiité ni Sia wo ni séra é liné'os-Nala witu.

Matius 4:15

“Un tana' Zebulon wo un tana' Naftali, u lalan mangé witi tasik, un tana' witi lewet u so'so'an Yordan, witi Galilea, witi tana' né tou zéi'kan Yahudi,

Matius 5:1

I si Yesus nimileka sé tou lakez itii mahkiité, a Sia sumosozla witu ung kimeleng. Kairumez-Nala, a méyé sé pahtuzu'en-Na.

Matius 8:1

I si Yesus nimerosomé im witi kimeleng, lakez sé tou nimahtotondongané mahkiité ni Sia.

Markus 5:20

A si tou itii mangé, a masumirita witi tana' pahkuan Dekapolis, péléng am winangun ni Yesus wia ni sia wo péléng ni séra é mengusi-ngusingsing.

Markus 6:2

Im witu un endo Sabat, ni Sia rengan i mahtuzu' witi walé peraragésan né tou Yahudi. Lakez sé tou mengusi-ngusingsing in timalingama un ipahkua-Na. Ni séra é mahliligauan, “Wisa ang kata'uan-Namé an tutuzu' kenu? Katulapan apamokala am wia ni Sia kenu? Kura kahuman Sia toro mahwangun a makakompo'en téntu?

Markus 7:31

Tumondong niitu, si Yesus tumula'umé un tana' Tirus. Ni séra nimangé witi louz Galilea, kimiité Sidon wo limangkoié un tana' Dekapolis.

Lukas 6:17

Kumawusa niitu si Yesus wo sé aatu-Na merosé im witi kimeleng a séra mento'la witu um patar. Im witu é nimaréwoko sé mahkiit ni Sia wo lakez sé tou walina sé witi Yudea, sé witi Yerusalem wo kangkasii sé witi Tirus wo Sidon, am wanua tembir un tasik a méyé.

Lukas 6:19

Péléng sé tou lakez itii é mahtututu' in tumiona wia ni Sia, pahpaan wia ni Sia ém wéwéhan ung kawasa u mahondolé i lumé'os ni séra péléng.