Matius 4:19 - Taaz Weru Witu u Nunuwu'en Tombulu

¹⁹ Ang kuan ni Yesus wia ni séra, “Méyémo, kumiitomé ni Aku, ni kamu ém wanguneng-Ku mahpenéro tou ing kumiit ni Aku.”

Matius 4:19 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Matius 4:18

I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'.

Matius 4:20

Kaitalingamé niitu, an itula'u néramé u lolombo' néra ang kumiit si Yesus.

Matius 8:22

A sia wingkotela ni Yesus, “Kumiitomé ni Aku wo iwayamola sé tou nimatémo i malumewengla sé nimatémo.”

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 2:14

Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus.

Lukas 5:27

Tumondongla niitu, i si Yesus nimondolé, ileken-Nama si menanagi am pajak makangaran Lewi, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!”

Lukas 9:59

Ang kuan ni Yesus wia si walina, “Kumiitomé ni Aku!” Taan si tou itii nimingkoté, “Tuang, énéané ni aku i mangépé' lumewengé si ama'ku.”

Yohanes 1:43

Masandonamé si Yesus timotozla i mangé witi Galilea. Im wana ni Sia é nimahilekan karia ni Filipus, a si Yesus kumuala wia ni sia, “Méyémo, kumiitomé ni Aku!”

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 21:22

Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

2 Korintus 12:16

Ni kamu mahkua ni aku én zéi'kan maéndo pengalin wia ni kamu. Taan wéwéhan sé mahkua ni aku é siga' menowo, i mahééndo an anu niou.