Matius 4:12 - Taaz Weru Witu u Nunuwu'en Tombulu

¹² Ing kinatalingaala ni Yesus sa si Yohanes én tinionano wo méiuntepoma bui, a si Yesus mangé witi Galilea.

Matius 4:12 Iomraidhean Croise

Matius 11:2

I si Yohanes Menanarani witi bui, ni sia timalinga am pahpaayangen ni Kristus.

Matius 14:3

Si Herodes é mahgenangla in téntu, pahpaan im puuna si Yohanes é méipekitiona an iuntepna witu um bui. Winangunna téntu pahpaan si Yohanes é siméro'la si Herodes ing kumawéng si Herodias, si mahayo ni Filipus katuarina.

Markus 1:14

I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung,

Markus 6:17

Si Herodes é mahkua in téntu, pahpaan ni sia si nimatuma si touna i matumion si Yohanes a mapusla ni sia an iuntepa witi bui. Si Herodes nimangun un téntu, pahpaan u nimamuali karia ni Herodias, si mahayo ni Filipus, tuarina in esa, ing kinawéngnala.

Lukas 23:5

Taan ni séra éng karimezna uman taré i menutu' karia i mahkua, “Pahenouen-Na sé tou wia un tana' Yudea karia an tutuzu'-Na, rengané witi tana' Galilea wo makaz wia'i.”

Lukas 3:20

si kolano itii kasii é nimawes umanla a léwo'anna karia nimuntepa si Yohanes witi bui.

Lukas 4:14

A si Yesus mangé witi Galilea karia ung kawasa ni Roh Lenas. Tumoro ni Sia é méikawoka'moma wana péléng an tana' itii.

Lukas 4:31

A si Yesus mangé witi Kapernaum um wanua tua'na esa witi Galilea. Sekez in endo Sabat ni Sia mahtuzu' sé tou witu um walé peraragésan né tou Yahudi.

Yohanes 1:43

Masandonamé si Yesus timotozla i mangé witi Galilea. Im wana ni Sia é nimahilekan karia ni Filipus, a si Yesus kumuala wia ni sia, “Méyémo, kumiitomé ni Aku!”

Yohanes 2:11

Niitumo u makakompo'en winangun ni Yesus kataré-taré witi Kana um witi Galilea, karia in téntu ni Sia nimapaileko ung kawangko'an-Na wo sé pahtuzu'en-Na ma'éman ni Sia.

Yohanes 3:24

In toro niitu si Yohanes Menanarani én zéi'kampé' méiuntep bui.

Yohanes 4:43

In zuana endomo si Yesus nimento' witi tana' Samaria a Sia mangé witi Galilea.

Yohanes 4:54

Niitu u makakompo'en kazua um winangun ni Yesus witi Galilea i ni Sia nimawurimé im witi Yudea.