Matius 4:11 - Taaz Weru Witu u Nunuwu'en Tombulu

¹¹ A si Yesus itula'uma ni tonaas né sétang. An ilekena, sé malaekat niméyé i mahselewir ni Sia.

Matius 4:11 Iomraidhean Croise

Matius 26:53

Kaapa pahgenangen nioula i ni Aku én zéi'kan toro mahaléia wia si Ama'-Ku, wo rengan in iatu-Namé sé mapulu' wo zuana réwok suraro né malaekat i mésumawang ni Aku?

Matius 4:6

Ang kuan ni tonaas né sétang wia ni Sia, “Sa Ko Oki' ni Opo Empung, mapanawu'moma, pahpaan méipantik witu Pinantik Lenas in téntii, ‘Tumoro ni Ko, si Opo Empung é meréntamé sé malaekat-Na i mésumikop ni Ko wo un a'é-Mu én zéi'kan ikawasal witu um watu.’ ”

Markus 1:13

Epatna pulu' endo Sia im pema'wa'en ni tonaas né sétang witu. Si Yesus i mahwitu-witu éng karia né liontana' wo sé malaekat mahselewir ni Sia.

Lukas 22:43

A mémapailek wia ni Sia si malaekat si witi kasendukan a méyé i menté' ni Sia.

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Lukas 4:13

I si tonaas né sétang simampetoma péléng am pema'wa'en wia si Yesus, an itulau'namé si Yesus wo ma'ento' un oras wangun i ma'wa' sumaup ni Sia.

Yohanes 14:30

Zéi'mo lakez un ikua-Kuma wia ni kamu pahpaan si tonaas né sétang si mahkawasa wia ung kaayahan kenu é mahéyémo. Taan ni sia én zéi'kan siapa kawasa i merénta ni Aku.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

Ibrani 1:6

Wo kasii, i si Opo Empung nimatumé si Oki'-Na si wiamo puunala péléng am péléng im winangun, ni Sia éng kimua, “Péléng sé malaekat ni Opo Empung é léwo'zéi' i mongkot wo sumigi' wia ni Sia.”