Matius 3:9 - Taaz Weru Witu u Nunuwu'en Tombulu

⁹ Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Matius 3:9 Iomraidhean Croise

Markus 7:21

pahpaan im witu un até né tou mahondolé péléng ang genang léwo', a sinéro' im pahmualin né zéi'kampé' kimawéng, a mahremu', a mahwunu' tou,

Lukas 12:17

A si tou itii megena-genang in téntii, ‘Kuramo um wangunengku, am pahupu'en wana an umaku én zéi'mo siapa lé'osan.’

Lukas 16:24

A si tou wa'ilan itii kuméréta, ‘Ama' Abraham, iraraaté ndootuumé aku. Ipekiwahu'pé'mé un tutundu' ni Lazarus wo méyépé' wahu'ené u lila'ku. Ni aku én totozo zézéha im wia un api kenu.’

Lukas 19:40

Am wingkotela ni Yesus, “Ikua-Kuma wia ni kamu, ‘Sa séra menesla, am watu kenu éng kumérét.’ ”

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Lukas 5:22

Si Yesus é mata'u ang genang néra, ang kuan-Na wia ni séra, “Kaa téntu ang genang niou?

Lukas 7:39

I niileka ni tou Farisi si kimua si Yesus a nimamuali itii, witu ung genangna ni sia é mahkua, “Sa Sia ulit nabi, tantumo éng kata'uan-Na am pemangu-mangunen ni wéwéné si timion wia ni Sia. Kata'uan-Na si wéwéné kenu ém wéwéné sangaya.”

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Yohanes 8:37

“Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Yohanes 8:53

Sa si Abraham é nimatémoma wo sé nabi kangkasii é nimatémoma, séi Ko wé? Toro kahuman wo ni Komo si wangko' taan si nimaopo nai Abraham!”

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 15:14

Si Simon é simiritamoma i si Opo Empung rengan ing kataré-taré é nimapailekoma u raraatéan-Na wia sé tou zéi'kan Yahudi. Ni Sia niméléng sé tou im wia ni séra i maéndo tou-Na.

Roma 4:1

Niitumo, apa u maikuata tumoro a nimamuali wia si Abraham, si ama' né nimaopota?