Matius 3:7 - Taaz Weru Witu u Nunuwu'en Tombulu

⁷ Taan i niileknala lakez sé tou wia sé sana réwok tou Farisi wo Saduki niméyé i mekisarani, ang kuana, “É kamu sé suzu ni ulé' melangu. Séi si kimuala wia ni kamu i ni kamu én toro tumingkasé witu un upi' ni Opo Empung u méyé.

Matius 3:7 Iomraidhean Croise

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 12:34

É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa.

Matius 15:12

A sé pahtuzu'en-Na rumétéla wia si Yesus ang kumuala, “Zéi'kan kata'uan-Nu wé sa un até né sana réwok tou Farisi é rumara pahpaan u méikua-Muma itii?”

Matius 16:1

A méyé sé sana réwok tou Farisi wo Saduki wia si Yesus i mema'wa' ni Sia. Ni séra mahaléi wia ni Sia i mapa- ileké un toro tumuzu'mé wia ni séra, sa ni Sia én ulit wia si Opo Empung a méyé.

Matius 16:6

Kuan ni Yesus wia ni séra, “Tuméga-tégam wo mile-ilek im wana a ragi né sana réwok tou Farisi wo Saduki.”

Matius 22:15

A sé sana réwok tou Farisi mangé i mameruz kura i mahwewetes si Yesus karia u liligau.

Matius 22:23

In endo itiikan, a méyé wia si Yesus sé woopira tou im wia sé sana réwok tou Saduki, sé mahéndo-éndoan sa si tou nimatémo én zéi'mo itou sumaup. Ni séra meligau wia ni Sia,

Matius 22:34

I sé sana réwok tou Farisi timalingala sa sé tou Saduki ém winangunola ni Yesus in zéi'mo siapa un toro ikua, séra maréwoké a mangé wia si Yesus.

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 5:20

Niitumo ikua-Kuma wia ni kamu: Sa kamu mahwangun ung kapaaz ni Opo Empung zéi'kan lumousé sé tou tulap un Torat wo sé sana réwok tou Farisi, un ulitna ni kamu én zéi'kan ikauntep witi Kakolanoan ni Opo Empung.”

Markus 12:13

A sé woopira tou im wia sé sana réwok tou Farisi wo sé tou Yahudi sé mahkii-kiit si kolano Herodes méiatuma mangé wia si Yesus i mahwewetes ni Sia karia u liligau.

Markus 12:18

A méyé wia si Yesus sé woopira im wia sé sana réwok tou Saduki, sé makahkukuan sa si tou nimatémo én zéi'mo itou sumaup. Ni séra meligau wia si Yesus,

Markus 8:15

A si Yesus mapagenangla wia ni séra, “Ni kamu én totoz in tuméga-tégam wo mile-ilek im wana a ragi né sana réwok tou Farisi wo ni kolano Herodes.”

Lukas 16:14

I sé tou wia sé sana réwok tou Farisi sé megena-genang uman an zoit, tumalingamé péléng a méikuamé ni Yesus, a Sia ipahké'ké' néra.

Lukas 18:11

Si tou Farisi itii rumendaié wo mengaléi: ‘O Opo Empung, ni aku éng kumuama u makasé wia ni Ko, pahpaan ni aku én zéi'kan tanu sé tou walina, zéi'kan angkum, zéi'kan tantowo, zéi'kan mahsamek wo ni aku én zéi'kan masuat wo si menanagi am pajak kenu;

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Yohanes 1:24

Im wia sé méiatumé itii ém wéwéhan sé woopira im wia sé sana réwok tou Farisi.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Yohanes 9:40

A méikua-Nama itii én tinalingama né woopira im wia sé sana réwok tou Farisi sé witu, a séra meligau wia ni Sia, “Apa ni kai kangkasii é letok?”

Kisah Rasul-rasul 15:5

Taan wéwéhan sé woopira im wia sé sana réwok tou Farisi sé ma'émano wia si Yesus, rimendaié ang kumua, “Sé tou zéi'kan Yahudi é léwo'zéi' i sunaten wo léwo'zéi' i mahkiit un ukum ni Musa.”

Kisah Rasul-rasul 20:31

Niitumo ni kamu é léwo'zéi' in tuméga-tégam. Gena-genangen, teluna ta'un ung kauréna endo wo wengi ni aku zéi'kan mazéi' i mahsésa wia ni kamu si esa wo si esa karia im pahlué'an.

Kisah Rasul-rasul 26:5

Ni aku én urémo ing kata'uan néra. Wo sa séra paaz, ni séra én toro kumua ang kata'uan néra i ni aku é menou-nou in tou né sana réwok tou Farisi, sé sana réwok tou sé ipahkua-kua in totoz mahkiit an tinotoz witu um pa'émanen nai.

Kisah Rasul-rasul 5:17

Ing kamurian, si Walian Wangko' wo sé sana réwok tou Saduki sé mahkii-kiit ni sia, timotozla in zumézéha sé aatu ni Yesus pahpaan ni séra én totoz menéutéu sé aatu itii.

Roma 1:18

Si Opo Empung é mapailek un upi'-Na im witi kasendukan pahpaan péléng a singkéla' wo a léwo'an né tou, a rimaung sé tou walina i mata'u an tutuzu' ulit tumoro ni Sia.

Roma 5:9

In tarékan ni kita é niéndo ulit ni Opo Empung pahpaan un zaha' ni Kristus i nimaté. Niitumo, tantumo ni kita én ipilot-Na im witu un upi' ni Opo Empung.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.