Matius 3:2 - Taaz Weru Witu u Nunuwu'en Tombulu

² “Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 3:2 Iomraidhean Croise

Matius 10:7

Mangémo wo maiwoka'la: Ung Kakolanoan ni Opo Empung é lelezokan.

Matius 11:20

A si Yesus rengan i mahséro' wia sé tou wana am wanua tua'na sé soo tumula'u a singkéla' néra, zozo' im witu ni Sia makalakezo nimanguné a makakompo'en.

Matius 12:41

Im witu un endo si Opo Empung in tumotoz ulit kaapa zéi'kan am pahwangunen né tou, sé tou Niniwe én itou sumaup karia né tou in tarékan wo kasii matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna si Tou si mahwali-wali karia niou in tarékan é lumouspé'mé si nabi Yunus!

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Matius 13:24

A si Yesus kumua un aandéan walina kasii wia ni séra, kuan-Na, “Ung Kakolanoan ni Opo Empung én tanu si tou kimeroz am watuna tatanemen wangun witi umana.

Matius 13:31

An isirita kasiila ni Yesus un aandéan walina wia ni séra. Kuan-Na, “Ung Kakolanoan ni Opo Empung én tanu am watuna tatanemen totoz rintek, a niéndoma ni tou a maikerozé witi umana.

Matius 13:33

An isirita-Na kasiila un aandéan kenu wia ni séra. Kuan-Na, “Ung Kakolanoan ni Opo Empung én tanu u ragi niéndoma ni wéwéné an isembora witu un topong epatna pulu' liter makaz péléng niitu riméisé.”

Matius 13:47

Ang kuan kasii ni Yesus wia sé pahtuzu'en-Na, “Téntu kangkasii ung Kakolanoan ni Opo Empung én tanu u lolombo' tua'na méilombo'ma né melolombo' witi tasik, an ikaéndomé sé seza' nimahwali-walinaan.

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 18:23

Pahpaan tumoro ung Kakolanoan ni Opo Empung én tanu si kolano si niméyé i mémahrérékénan karia né atana.

Matius 20:1

Ang kuan ni Yesus, “Ung Kakolanoan ni Opo Empung én tanu si tou makauma tinaneman anggor, si woondopé' karengan nimondoloma mamenéro tou i mamendu un umana.

Matius 22:2

“Ung Kakolanoan ni Opo Empung én tanu si kolano mangun um pésta kawéng ni tarétumouna.

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

Matius 25:1

Kuan ni Yesus, “In toro niitu, ung Kakolanoan ni Opo Empung én tanu sé raraha mapulu' mahali-ali a solo i masumungkul si brédégom.

Matius 25:14

Ang kuan ni Yesus, “Ung Kakolanoan ni Opo Empung én tanu si tou masuméngkot witi wanua zou'ma. Puunala sia i mangé, sia timawahmé sé atana. An itarawésanama wia sé atana itii a sangkumna.

Matius 4:17

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 5:10

Mahpaa-paazola sé tou pahzézéhan pahpaan i mahwangun ung kapaaz ni Opo Empung, pahpaan ni séra sé makaanu ung Kakolanoan ni Opo Empung.

Matius 5:3

“Mahpaa-paazola sé tou zéi'kan siapa apa wo niméré' uman wia si Opo Empung, pahpaan ni séramo sé makaanu ung Kakolanoan ni Opo Empung.

Matius 6:10

ung Kakolanoan-Nu é méyé, um paaz-Mu é mamuali wia ung kaayahan wo witi kasendukan.

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Markus 1:15

kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”

Markus 1:4

Si tou méiatumé ni Opo Empung itii é Yohanes Menanarani. Ni sia ém witi kapelasan wo mahwoka' wia péléng sé tou, ‘Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.’

Markus 6:12

A séra mangé i mahwoka' wia péléng sé tou i ni séra é léwo'zéi' in tumula'ula a singkéla' néra.

Lukas 1:16

wo lakez sé tou Israel maahkitenna i mawuri sumaup kumiit si Mahpiara, si Opo Empung néra.

Lukas 11:20

Taan sa ni Aku mahwoho sé sétang karia ung kawasa ni Opo Empung, ung kalakoana ung Kakolanoan-Na ém wiamo ni kamu.

Lukas 13:3

Taan ikua-Kuma wia ni kamu, ‘Zéi'kan!’ Sa kamu zéi'kan tumula'ula a singkéla' niou, ni kamu péléng kasii é mawunu'en tanu ni séra.

Lukas 13:5

Ikua-Kuma wia ni kamu, ‘Zéi'kan!’ Taan sa kamu zéi'kan tumula'ula a singkéla' niou, ni kamu péléng é maté tanu u nimamuali wia ni séra.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Lukas 16:30

A si tou wa'ilan itii mingkoté, ‘Azo ndootuu ama' Abraham, zéi'kan mamuali sa téntu uman. Taan sa wéwéhan si esaané im wia sé nimaté si méitoumé sumaup wo mangé wia ni séra, ni séra én tumula'u a singkéla' pahlé'osen néra.’

Lukas 21:31

Téntu kangkasii, sa péléng a méikua-Ku ém pahileken niouola, kata'uan nioula sa ung Kakolanoan ni Opo Empung é lelezo.

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Lukas 9:2

Sé pahtuzu'en-Na é méiatu-Na mahwoka' wia sé tou tumoro ung Kakolanoan ni Opo Empung wo i lumé'os sé tou im wana a saki néra.

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 26:20

Ing kataré-taré, ni aku é mahwoka' wia sé tou witi Damsyik, witi Yerusalem wo wana péléng am wanua witi tana' Yudea, i ni séra é léwo'zéi' tumula'ula a singkéla' néra wo mawuri sumaup wia si Opo Empung. Wo kasii mahwangun uman am pemamangunen né tou sé timula'umola a singkéla' néra.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

2 Korintus 7:10

Pahpaan u rumara un até mengiit um paaz ni Opo Empung nimangun si tou timula'u a singkéla' pahwangunenna, a sia ipiloté im witu un ukuman wana a singkéla'. U rumara un até tanu niitu én zéi'kan mangun mene'sel. Taan u rumara un até né tou zéi'kan mahkiit ung kapaaz ni Opo Empung, zéi'kan nimangun si tou itii in timula'u a singkéla' pahwangunenna, si tou itii én iwali witu um patéan makaz ing kauré-uré.

Kolose 1:13

Ni Sia si nimilotomé ni kita im witu ung kawasa ni sétang si wana ang karimbengbengan wo ni Sia kangkasii nimahwali ni kita witi tampa sumena-sena', ung Kakolanoan ni Oki'-Na si ikararaaté-Na.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.

Wahyu 2:21

Si wéwéné itii ém winéhang-Kumoma oras in tumula'u am pahwangunenna itii, taan ni sia é soo tumula'u am pahwangunenna im wana ang kasamekanna itii.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.