Matius 3:11 - Taaz Weru Witu u Nunuwu'en Tombulu

¹¹ Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 3:11 Iomraidhean Croise

Matius 3:6

Karia i makaulit a singkéla' néra, ni séra pahsaranin ni Yohanes witi so'so'an Yordan.

Markus 1:4

Si tou méiatumé ni Opo Empung itii é Yohanes Menanarani. Ni sia ém witi kapelasan wo mahwoka' wia péléng sé tou, ‘Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.’

Lukas 1:17

Si Opo Empung é nimatumé ni sia i mapuunamé wia si Mahpiara wo ni sia ém wéwéhan ung kaenté'an wo ung kawasa tanu si nabi Elia. Ni sia é mangun sé ama' mahlé'o-lé'osan karia né oki' néra, wo sé tou mahsaru si Opo Empung én iwurina witu u lalan kaulitan. Karia in téntu, ni sia é mimek sé tou wo séra wangun i sumungkul si Opo Empung.”

Lukas 3:16

A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Lukas 3:3

A si Yohanes mangé wana péléng am wanua witi tana' rété so'so'an Yordan i mahtuzu' un téntii, “Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.”

Yohanes 1:15

Si Yohanes Menanarani éng kimua a niilekna tumoro ni Sia karia i mahkérét, “Kelamo Sia si paza'ingkula i ni aku mahkua wia ni kamu: Wéwéhan si méyé tumondongé ni aku. Ni Siapé' si pahpuu-puuna taan ni aku pahpaan ni Sia ém wiamo puunala ni aku i nimatou.”

Yohanes 1:30

Ni Sia si paza'ingkula i ni aku mahkua, ‘Wéwéhan si méyé tumondongé ni aku, ni Siapé' si pahpuu-puuna taan ni aku. Pahpaan ni Sia ém wiamo puunala ni aku i nimatou.’

Kisah Rasul-rasul 1:5

Pahpaan im puuna si Yohanes menanarani é mahsarani karia un zano, taan zéi'mo mauréma ni kamu é saranin karia ni Roh Lenas.”

Kisah Rasul-rasul 19:4

Ang kuan ni Paulus wia ni séra, “Si Yohanes i mahsarani sé tou én tumuzu'mé i sé tou én timula'umola a singkéla' néra. Ni sia kangkasii éng kimua wia sé tou lakez i ni séra é léwo'zéi' i ma'éman wia si Tou si méyé tumondongé ni sia. Si Tou itii é makangaran Yesus.”

Kisah Rasul-rasul 8:36

I ni séra karegas mahlampang karia ung keréta, a séra ikaayola witu un tampa wéwéhan un zano. Kuan ni tonaas itii wia si Filipus, “Amoké ilekena, um witu ém wéwéhan un zano! Toromo aku i saranin in tarékan?” [

Kisah Rasul-rasul 8:38

An ipekiento'la ni tonaas itii ung keréta. Si Filipus wo si tonaas itii tumumpama witu un zano, a sia saranila ni Filipus.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”