Matius 3:10 - Taaz Weru Witu u Nunuwu'en Tombulu

¹⁰ Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.

Matius 3:10 Iomraidhean Croise

Matius 21:19

An ileken-Nama ung kai ara witu ruruh u lalan, a Sia mangé witu ung kai itii i menéro wua'na. Taan ni Sia én zéi'kan méikaileké wua'na im witu akaz uman an zani'na. Ang kuan-Na witu ung kai itii, “Ni ko én zéi'mo mahwua-wua'la makaz ing kauré-uré!” In toro niitukan ung kai ara itii é rengan i nimaperama.

Matius 7:19

Péléng ang kai zéi'kan mahwua'mé wangun, niitu ém wanti'en wo ziketan.

Lukas 23:31

Ni Aku éng kimuama un téntu pahpaan sa im wia ni Aku si zéi'kan nimahwangu-wangunla a singkéla' ni séra é nimangun an téntu, tantumo im wia ni kamu sé mahwangun a singkéla', ni séra é mangun a lumouspé'mé niitu. Ni Aku én tanu ung kai mata'pé' un zéi'kan mala'ung péléng in tutungana, taan ni kamu én tanu ang kai pera u mala'ung péléng in tutungana.”

Lukas 3:9

Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Ibrani 12:25

Niitumo mile-ilekla, tia' kamu soo tumalinga si Opo Empung si mahnuwu'mé. Ni séra sé soo mahtalinga ni sia si mahkua u Nuwu' ni Opo Empung én zéi'kan mata'u tumingkas, apapé' kasii ni kita sé mahtalingamé si Opo Empung si mahnuwu'mé witi kasendukan. Sa kita zéi'kan mahtalinga ni Sia, tantumo ni kita én zéi'kan ikatingkas im witu un ukuman wana a singkéla'.

Ibrani 6:8

Taan sa un tana' itii én tinouan umané ang kuhun wo an zukut menulah, un tana' itii én zéi'kan siapa torona. Un tana' itii ém wéhan ni Opo Empung un epa' wo ing kamurian ém pakala'ungen.