Matius 28:6 - Taaz Weru Witu u Nunuwu'en Tombulu

⁶ Ni Sia én zéi'mo wia'i pahpaan ni Sia é méitoumomé sumaup ni Opo Empung tanu u mémoikua-Nala. Méyé wia'i wo ilekené u zinetaan ni Sia.

Matius 28:6 Iomraidhean Croise

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 17:23

Ni Sia ém wunu'en néra, taan witu un endo katelu, ni Sia én itou sumaup ni Opo Empung.” In tinalinga nérala u méikua ni Yesus, un até néra én totoz rumara.

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 20:19

Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Markus 16:6

Taan si tarétumou itii éng kimuama wia ni séra, “Tia'mo maindé'! Kata'uangku sa ni kamu é menéro si Yesus, si tou Nazaret si sinalip itii. Ni Sia én zéi'mo wia'i. Ni Sia é méitoumomé sumaup ni Opo Empung. Ilekena! Kenumo u zinetaan nérala ni Sia.

Markus 8:31

A si Yesus rengan i mahtuzu' wia sé pahtuzu'en-Na i si Oki' ni Tou é léwo'zéi' i mazéha wo kasoo né pahtutu'an né tou Yahudi, né tonaas né walian wo né tou tulap un Torat, wo sé tou é munu' ni Sia, taan ni Sia é matou sumaup witu un endo katelu.

Lukas 24:12

Taan si Petrus rimendaié a mereweka nimangé witi lelewengan. Sia mongkotla an tumémboma witu un untep u lelewengan, um witu én akazokan u roko' sasaput un awak ni Yesus. A sia mawuri wo zéi'kan mazéi' sia i megena-genang u nimamualimo itii.

Lukas 24:23

taan maileken néra un awak ni Yesus én zéi'mo witu. A séra makumua wia ni kai im wéwéhan sé malaekat nimapaileké ang kumuamé i ni Sia é menou-nou.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Yohanes 10:17

Si Ama' rumaraaté ni Aku pahpaan ni Aku nimayo ung katou-touang-Ku, wo niitu toro kailekang-Ku sumaup.

Yohanes 2:19

Kuan ni Yesus wia ni séra, “Kemuna um Walé ni Opo Empung kenu wo wanguneng-Ku mokan sumaup witu un teluna endo.”

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.