Matius 27:6 - Taaz Weru Witu u Nunuwu'en Tombulu

⁶ Am purutela né tonaas né walian an zoit péra' itii ang kumua, “An zoit kenu én zéi'kan toro itahu' witu um penanahu'an a raragés pahpaan an zoit kenu én zoit un zaha'.”

Matius 27:6 Iomraidhean Croise

Matius 23:24

É kamu sé tonaas letok. Si rongit witu um pahelepen niou én ipahtia' niou, taan si onta ém pahno'noten niou umana.

Matius 27:5

An iwerita ni Yudas un zoit péra' itii witi Walé ni Opo Empung, a sia mangé maparantong.

Matius 27:7

I nimaesaanola, am paké nérala an zoit itii méitelesla un tana' pahkuan in Tana' ni Memamangun ang Kuré', u nimaéndo pelelewengan né tou sé limepuh umané.

Markus 7:11

Taan ni kamu é mahtuzu' in téntii: Sa wéwéhan si tou mahkua wia si ama'na kaapa wia si ina'na in téntii, ‘Péléng am wia ni aku a léwo'zéi' in isawangku wia si ama' wo si ina' é méiragéskumola wia si Opo Empung.’

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.